ଆଇଆଇଜି ସ୍ପୋର୍ଟସ୍ ଏକାଡେମୀ ପକ୍ଷରୁ ଜୁଲାଇ ୯ରୁ ଇଣ୍ଟର ସ୍କୁଲ ବାସ୍କେଟବଲ ଟୁର୍ଣ୍ଣାମେଣ୍ଟ

ଭୁବନେଶ୍ୱର: ଆସନ୍ତା ୯ ଏବଂ ୧୦ ଜୁଲାଇରେ ଆଇଆଇଜି ସ୍ପୋର୍ଟସ୍ ଏକାଡେମୀ ପକ୍ଷରୁ କେଟି ଗ୍ଲୋବାଲ୍ ସ୍କୁଲ୍ କ୍ୟାମ୍ପସରେ ଖେଳା ଯିବାକୁ ଯାଉଛି ଇଣ୍ଟର ସ୍କୁଲ ବାସ୍କେଟବଲ ଟୁର୍ଣ୍ଣାମେଣ୍ଟ । ପ୍ରଥମ ଥର ପାଇଁ କେଟି ଗ୍ଲୋବାଲ୍ ସ୍କୁଲ୍ କ୍ୟାମ୍ପସରେ ଇଣ୍ଟର ସ୍କୁଲ ବାସ୍କେଟବଲ ଟୁର୍ଣ୍ଣାମେଣ୍ଟ ଖେଳାଯିବ । ଭୁବନେଶ୍ୱର ଓ ଖୋର୍ଦ୍ଧାରୁ ୨୪ ଟି ଟିମ ଏହି  ପ୍ରତିଯୋଗିତାରେ ଅଶଂଗ୍ରହଣ କରିବେ । ପ୍ରତ୍ୟେକ ଟିମ ପାଇଁ  ଏଣ୍ଟ୍ରି ଫି ୧ହଜାର ଟଙ୍କା ରଖାଯାଇଛି । ତେବେ ଅଶଂଗ୍ରହଣକାରୀ ଟିମ ପାଇଁ ପଞ୍ଜିକରଣର ଶେଷ ତାରିଖ ୭ ଜୁଲାଇ ରହିଛି ।

ଉଭୟ ବାଳକ ଓ ବାଳିକା ବର୍ଗରେ ପ୍ରତିଯୋଗିତା ଖେଳାଯିବ ।  ପ୍ରତିଯୋଗିତାରେ ବାଳକ ଚାମ୍ପିୟନ ଟିମକୁ ଟ୍ରଫି ସହ ୭ ହଜାର ଟଙ୍କା, ରନର୍ସପକୁ ଟ୍ରଫି ସହ ୫ ହଜାର ଟଙ୍କା ପ୍ରଦାନ କରାଯିବ। ସେହିପରି ପ୍ରତିଯୋଗିତାରେ ବାଳିକା ବର୍ଗରେ ମଧ୍ୟ  ଚାମ୍ପିୟନ ଟିମକୁ ଟ୍ରଫିଂ ସହ ୭ ହଜାର ଟଙ୍କା, ରନର୍ସପକୁ ଟ୍ରଫି ସହ ୫ ହଜାର ଟଙ୍କା ପ୍ରଦାନ କରାଯିବ । ଉଭୟ ବର୍ଗର ରନର୍ସପ ଟିମକୁ ଟ୍ରଫି ସହ ୫ ହଜାର ଟଙ୍କା ଲେଖାଏଁ ପ୍ରଦାନ କରାଯିବ । ଏହି ପ୍ରତିଯୋଗିତାରେ ବେସରକାରୀ ଓ ସରକାରୀ ସ୍କୁଲର ପ୍ରାୟ ୨୪ ଟି ଟିମ୍ (୧୬ ବାଳକ ଦଳ ଏବଂ ୮ ବାଳିକା ଦଳ) ଅଶଂଗ୍ରହଣ କରିବେ।

ଭୁବନେଶ୍ୱର ଏବଂ ଖୋର୍ଦ୍ଧାରେ ଥିବା ବିଭିନ୍ନ ସ୍କୁଲ ବାସ୍କେଟବଲ ଟିମ ଏତିରେ ଯୋଗଦେବେ ।  ପ୍ରତିଯୋଗିତା କ୍ୱାର୍ଟର ଫାଇନାଲ ପର୍ଯ୍ୟନ୍ତ ଲିଗ୍ ପର୍ଯ୍ୟାୟରେ ଖେଳାଯିବ ଏବଂ କ୍ୱାର୍ଟର ଫାଇନାଲ ପରେ ପ୍ରତିଯୋଗିତା ନକଆଉଟ୍ ପର୍ଯ୍ୟାୟରେ ଖେଳାଯିବ । ପ୍ରତିଯୋଗିତାକୁ ତାଲିମ ପ୍ରାପ୍ତ ରେଫରି ପରିଚାଳନା କରିବେ । ଟୁର୍ଣ୍ଣାମେଣ୍ଟର ଉଦ୍ଦେଶ୍ୟ ହେଉଛି ଖେଳାଳୀଙ୍କୁ ତୃଣମୂଳ ସ୍ତରରୁ କିପରି ଭିତ୍ତିଭୂମି ଯୋଗାଇବା ସହ ଓଡ଼ିଶାରେ ସ୍କୁଲ ସ୍ତରରୁ ବାସ୍କେଟବଲକୁ ଅଧିକରୁ ଅଧିକ ପ୍ରଚାର ପ୍ରାସର କରିବା, ବାସ୍କେଟବଲକୁ ପ୍ରୋତ୍ସାହିତ କରିବା ଏବଂ  ନୂଆ ପ୍ରତିଭାଙ୍କ ପାଇଁ ଏକ ସୁଯୋଗ ସୃଷ୍ଟି କରିବା ।

ଖୋର୍ଧା ଜିଲ୍ଲା ବାସ୍କେଟବଲ ଆସୋସିଏସନ (କେଡିବିଏ) ସେକ୍ରେଟାରୀ ପ୍ରସାନ୍ତ କୁମାର ନାୟକ, କେଡିବିଏ ସଦସ୍ୟ ତଥା କୋଚ୍ ଅରୁଣ କୁମାର ମିଶ୍ର, ଆଇ.ଆଇ.ଜି ସ୍ପୋର୍ଟସ୍ ଏକାଡେମୀ ନିର୍ଦ୍ଦେଶକ ଚିନ୍ମୟ ପ୍ରଧାନ, ସଞ୍ଜୟ ଚୌଧୁରୀ, କେ.ଟି ଗ୍ଲୋବାଲ ସ୍କୁଲ ପରିଚାଳନା ଟ୍ରଷ୍ଟି ସୋମଦତ୍ତ ବେହୁରା, ମେଣ୍ଟର ତଥା ପରାମର୍ଶଦାତା ଅରୁଣ କୁମାର ଦାସ, ନିର୍ଦ୍ଦେଶକ ପୂର୍ଣ୍ଣଶିଷ ରଥ, କେ.ଟି ଗ୍ଲୋବାଲ ସ୍କୁଲର ପ୍ରିନ୍ସିପାଲ ସବିତା ପଣ୍ଡା, ଭାଇସ ପ୍ରିନ୍ସିପାଲ ଅନୁରାଧା ଘୋଷ  ପ୍ରମୁଖ ଉପସ୍ଥିତ ଥିଲେ  ।