ଟୁଇଟର ପରେ ଫେସବୁକ ବିକ୍ରି କରିବ ବ୍ଲୁ-ଟିକ୍

ନନ୍ଦିଘୋଷ ବ୍ୟୁରୋ: ଟୁଇଟର ପରେ ଫେସବୁକ ବିକ୍ରି କରିବ ବ୍ଲୁ-ଟିକ । ଟଙ୍କା ଦେଇ ଆକାଣ୍ଟ ଭେରିଫାଏ କରିବା ସହ ବ୍ଲୁ ଟିକ୍ ପାଇପାରିବେ ୟୁଜର୍ସ । ଚଳିତ ସପ୍ତାହରୁ ଏହି ସେବା ଆରମ୍ଭ ହେବ ବୋଲି ଫେସବୁକ ଓ ଇନଷ୍ଟାରେ ପୋଷ୍ଟ କରି ସୂଚନା ଦେଇଛନ୍ତିଫେସବୁକ ପ୍ୟାରେଣ୍ଟ କମ୍ପାନୀ ମେଟାର ସିଇଓ ମାର୍କ ଜୁକରବର୍ଗ । କୌଣସି ବୈଧ ପରିଚୟ ପତ୍ର ବିନା ୟୁଜର୍ସ ଆକାଉଣ୍ଟ ଭେରିଫାଏ କରିପାରିବେ ନାହିଁ ।

ଓ୍ବେବ ୟୁଜର୍ସଙ୍କୁ ମାସିକ ୧୧.୯୯ ଡଲାର ଅର୍ଥାତ ପ୍ରାୟ ୧ହଜାର ଟଙ୍କା ଓ ଆଇଫୋନ ୟୁଜର୍ସଙ୍କୁ ୧୪.୯୯ ଅର୍ଥାତ ପ୍ରାୟ ୧୨ଶହ ଟଙ୍କା ମାସିକ ଦେବାକୁ ହେବ । ଏହି ସର୍ଭିସ ଲାଗୁ ହେବା ଦ୍ବାରା ଫେକ୍ ଆକାଉଣ୍ଟ ସମସ୍ୟା ରହିବ ନାହିଁ । ଏହାସହ ୟୁଜର୍ସ ସିଧାସଳଖ କଷ୍ଟମର ସପୋର୍ଟଙ୍କ ସହ ସମ୍ପର୍କ କରିପାରିବେ । ପ୍ରଥମେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡରେ ଏହି ସେବା ଆରମ୍ଭ ହେବ । ପରେ ଅନ୍ୟ ଦେଶରେ ଏହାକୁ ଆରମ୍ଭ କରାଯିବ ବୋଲି ଜୁକରବର୍ଗ କହିଛନ୍ତି । ଉଭୟ ଫେସବୁକ ଓ ଇନଷ୍ଟାଗ୍ରାମ ପାଇଁ ବ୍ଲୁ ଟିକ୍ ସେବା ଆରମ୍ଭ କରିବ ପ୍ୟାରେଣ୍ଟ କମ୍ପାନୀ ମେଟା ।