୮୦ ପାର୍ ହେଲାଣି, ଦେଖାଯାଉନି କି ଶୁଣାଯାଉନି ! ତଥାପି ହାରମନିୟମ ଧରି ଶିଖାଉଛନ୍ତି ସଂଗୀତ
କେନ୍ଦ୍ରାପଡ଼ା: ପରିଣତ ବୟସରେ ସଙ୍ଗୀତ ପ୍ରେମ । ବୟସ ୮୦ ବର୍ଷ ପାର୍ ହୋଇଥିଲେ ବି କମିନି ସଂଗୀତ ପ୍ରତି ରୁଚି । ନିଜେ ଗୀତ ଗାଇବା ସହ ଛୋଟ ଛୋଟ ପିଲାମାନଙ୍କୁ ଶିଖାଉଛନ୍ତି ସଙ୍ଗୀତ । ତାଙ୍କ ସଂଗୀତ ରୁଚିକୁ ଦେଖି ପ୍ରଶଂସା କରୁଛି ସମାଜ ।
ଆଖିରେ ନାହିଁ ଉଜ୍ୱଳତା । କାନରେ ନାହିଁ ଆଉ ଶ୍ରବଣର ଶକ୍ତି । ତଥାପି ଇଚ୍ଛା ଶକ୍ତି ଆଗରେ ହାର ମାନିଛି ସବୁକିଛି । କେନ୍ଦ୍ରାପଡ଼ା ଜିଲ୍ଲା ଅଠରବାଟିଆ ଗାଁର କୋଇଲି ମହାରଣା । ଆଉ ହାରମୋନିୟମର ତାଳେ ତାଳେ ନିଜେ ଗୀତ ଗାଇବା ସହ ଛୋଟ ଛୋଟ ପିଲାମାନଙ୍କୁ ଶିଖାଉଛନ୍ତି ସଂଙ୍ଗୀତ ।
ସଂଗୀତରେ ରୁଚି ରଖିଥିବା କୋଲଇି ମାଉସୀ ଏବେବି ପୁରାତନ କଳା ସଂସ୍କୃତିକୁ ବଜାଇ ରଖିଛନ୍ତି । ଓଡ଼ିଶୀ, ଚମ୍ପୁ, ଛାନ୍ଦ, ରାମାୟଣ ଓ ମହାଭାରତର ସଂଗୀତରେ ବେଶ ପାରଙ୍ଗମ ସେ । ହେଲେ ବୟସର ଅପରାହ୍ଣରେ ପହଞ୍ଚିସାରିଥିବା ବେଳେ ମଧ୍ୟ ତାଙ୍କୁ ଏଯାଏଁ କୌଣସି ସମ୍ମାନ କି ସରକାରୀ ପ୍ରୋତ୍ସାହନ ମିଳିନଥିବା ଅଭିଯୋଗ କରିଛିନ୍ତି ସ୍ଥାନୀୟ ବୁଦ୍ଧିଜୀବୀ ଓ ଅଞ୍ଚଳବାସୀ । କୋଇଲି ମାଉସୀଙ୍କୁ ସରକାରୀ ସହାୟତା ନିତ୍ୟାନ୍ତ ଜରୁରୀ ବାଲି ସ୍ଥାନୀୟବାସିନ୍ଦା କହିଛନ୍ତି ।
