ନୂଆଦିଲ୍‌ଲୀ: ଭାରତୀୟ ମହାସାଗରରେ ରାଜ୍ କରିବ ଆଉ ଏକ ଡେଷ୍ଟ୍ରୟର। ଆସନ୍ତାକାଲି ଲଞ୍ଚ ହେବ ଆଇଏନଏସ ଭେଲା। ସ୍ବଦେଶୀ ଜ୍ଞାନକୌଶଳରେ ନିର୍ମିତ ଷ୍ଟେଲଥ ଗାଇଡେଡ ମିସାଇଲ ଡେଷ୍ଟ୍ରୟର ବୁଡାଜାହାଜର ମୁତୟନ ଯୋଗୁ ବଢିବ ଦେଶର ପ୍ରତିରକ୍ଷା। ସମୁଦ୍ର ଅଞ୍ଚଳରେ ଚୀନର ପ୍ରଭାବ ବଢୁଥିବାରୁ ଏହାକୁ ଚାଲେଞ୍ଜ ଦେବା ଲାଗି ପ୍ରସ୍ତୁତ ହୋଇଛି ଭାରତ।

ଏହି ଜାହାଜର ମୁତୟନ ଦ୍ବାରା ଭାରତର ସାମୁଦ୍ରିକ ଯୁଦ୍ଧକୌଶଳରେ ଆସିବ ବୈପ୍ଲବିକ ପରିବର୍ତ୍ତନ । ଏହି ଅତ୍ୟାଧୁନିକ ଯୁଦ୍ଧଜାହାଜ ଆଇଏନଏସ ବେଲା ଶତ୍ରୁ ପକ୍ଷର ବିମାନ ଓ କ୍ଷେପଣାସ୍ତ୍ରକୁ କରିପାରିବ ଟାର୍ଗେଟ । ଭାରତୀୟ ନୌସେନାର ୧୭୦ରୁ ଅଧିକ ଯୁଦ୍ଧଜାହାଜକୁ ସାମିଲ କରିବା ଲାଗି ଯେଉଁ ପ୍ରକ୍ରିୟା ଜାରି ରହିଛି ତାହା ଯୋଗୁ ଭାରତର ପ୍ରତିରକ୍ଷା ଶକ୍ତିଶାଳୀ ହେବ ।

ପୂର୍ବରୁ ଆଇଏନଏସ ବିଶାଖାପଟନମକୁ ନୌସେନାରେ କରାଯାଇଥିଲା ସାମିଲ । ଗତ ସପ୍ତାହରେ ନୌସେନାର ଉପମୁଖ୍ୟ ଭାଇସ ଆଡମିରାଲ ସତୀଶ ନାମଦେଓ ଘୋରମାଡେ କହିଥିଲେ- ଆଇଏନଏସ ବିଶାଖାପଟଣମ ଓ କାଲଭରି ଶ୍ରେଣୀର ବୁଡାଜାହାଜ ବେଲା ଜରିଆରେ ଭାରତର ପ୍ରତିରକ୍ଷା ସୁଦୃଢ ହେବ । ଆଇଏନଏସ ଭେଲା ପ୍ରୋଜେକ୍ଟ-୭୫ରେ ନିର୍ମିତ ହୋଇଛି । ଏହି ଶ୍ରେଣୀର ଆଉ ଦୁଇଟି ଜାହାଜ ୨୦୨୩ରେ ମୁତୟନ ହେବ ।