‘କୋଭାକ୍ସିନ୍’ର ଜରୁରୀ ପ୍ରୟୋଗକୁ ଅନୁମତି ଦେଲାନି ଆମେରିକା, ଜାଣନ୍ତୁ କ’ଣ କହିଲେ କେନ୍ଦ୍ର ସରକାର…

1 min read
Inida On US Denying Emergency Approval To Covaxin

ନୂଆଦିଲ୍ଲୀ: ଭାରତ ବାୟୋଟେକ ଓ ଆଇସିଏମଆର୍ ମିଳିତ ଭାବେ ପ୍ରସ୍ତୁତ କୋଭିଡ୍ ଟିକା କୋଭାକ୍ସିନର ଜରୁରୀକାଳୀନ ବ୍ୟବହାରକୁ ଆମେରିକା ଅନୁମତି ଦେଇନାହିଁ । ଏହା ଉପରେ କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି, ପ୍ରତି ଦେଶର ନିୟମ ବ୍ୟବସ୍ଥାକୁ ଭାରତ ସମ୍ମାନ କରେ । ଆମେରିକା ଅନୁମତି ନଦେବା ଭାରତରେ ଚାଲିଥିବା ଟିକାକରଣ ଉପରେ କୌଣସି ପ୍ରଭାବ ପକାଇବ ନାହିଁ ।

ଆମେରିକାର ଏଫଡିଏ ଭାରତ ବାୟୋଟେକର ଆମେରିକୀୟ ଚୁକ୍ତିବଦ୍ଧ କମ୍ପାନୀ ଓକ୍ୟୁଜେନ୍ ଇଙ୍କକୁ ପରାମର୍ଶ ଦେଇଛି ଯେ, ଭାରତୀୟ ଭ୍ୟାକ୍ସିନର ବ୍ୟବହାରକୁ ଅନୁମିତ ପାଇଁ ଅତିରିକ୍ତ ତଥ୍ୟ ସହ ଜୈବିକ ଲାଇସେନ୍ସ (ବିଏଲଏ) ପାଇଁ ଆବେଦନ କରୁ ।

ଓକ୍ୟୁଜେନ୍ ପକ୍ଷରୁ ଗୁରୁବାର ଏକ ବୟାନରେ କୁହାଯାଇଥିଲା, ଏଫଡିଏ ପରାମର୍ଶ ଅନୁସାରେ କୋଭାକ୍ସିନର ବିଏଲଏ ଆବେଦନ କରିବ । ବିଏଲଏ ହେଉଛି ଏଫଡିଏର ପୂର୍ଣ୍ଣ ଅନୁମୋଦନ ବ୍ୟବସ୍ଥା । ଯେଉଁଥିରେ ଔଷଧରୁ ନେଇ ଟିକା ସବୁକିଛିକୁ ମଞ୍ଜୁରୀ ମିଳିଥାଏ ।

କମ୍ପାନୀ କହିଛି, ଏବେ କୋଭାକ୍ସିନର ଜରୁରୀକାଳୀନ ବ୍ୟବହାର ପାଇଁ ଅନୁମତି ପାଇଁ ଚେଷ୍ଟା କରିବ ନାହିଁ । ବରଂ କମ୍ପାନୀ ଏଫଡିଏର ମାଷ୍ଟର ଫାଇଲ୍ ବିଏଲ୍ଏ ଆବେଦନ କରିବ । ଏଥିପାଇଁ ଆମେରିକାରେ କୋଭାକ୍ସିନ୍ ଆସିବାରେ ବିଳମ୍ବ ହେବ ।

Opn Commnet Area

Leave a Reply

Your email address will not be published. Required fields are marked *

Close Bitnami banner