ସାଢ଼େ ୫ ବର୍ଷ ମଧ୍ୟରେ ମୁଦ୍ରାସ୍ଫୀତି ସର୍ବାଧିକ ବୃଦ୍ଧି, ବଢ଼ିବା ପଛରେ ପିଆଜ ଦର

ନୂଆଦିଲ୍ଲୀ: ସଂକଟରେ ଅର୍ଥନୀତି । ପୁଣି ଖୁଚୁରା ମୁଦ୍ରାସ୍ଫୀତିରେ ରେକର୍ଡ ବୃଦ୍ଧି । ଗୋଟିଏ ମାସରେ ମୁଦ୍ରାସ୍ଫୀତି ୧.୮୧ ପ୍ରତିଶତ ବଢ଼ିଥିବା ସୂଚନା ଦେଇଛି ‘କେନ୍ଦ୍ର ପରିସଂଖ୍ୟାନ କାର୍ଯ୍ୟାଳୟର’ ବା ‘NSO’ । ନଭେମ୍ବରରେ ଥିଲା ୫.୫୪%, ଡିସେମ୍ବରରେ ୭.୩୫% ପ୍ରତିଶତ ପ୍ରତିଶତ ବଢ଼ିଛି ।

ସାଢ଼େ ୫ ବର୍ଷ ମଧ୍ୟରେ ସର୍ବାଧିକ ମୁଦ୍ରାସ୍ଫୀତି ବୃଦ୍ଧି ହୋଇଛି । ୨୦୧୪ ଜୁଲାଇରେ ୭.୩୯ ମୁଦ୍ରାସ୍ଫୀତି ରହିଥିଲା । ତେବେ ପିଆଜ ଓ ପନିପରିବା ଦରବୃଦ୍ଧି ମୁଦ୍ରାସ୍ଫୀତିର କାରଣବୋଲି କୁହାଯାଇଛି ।

ଗତ କିଛିଦିନ ତଳେ ପିଆଜ ଦର ୧୫୦ ଟଙ୍କା ଛୁଇଁଥିବା ବେଳ ପରିବା ଦରବି ଆକାଶ ଛୁଆଁ ହୋଇଥିଲା । ଫଳରେ ମୁଦ୍ରସ୍ପୀତିରେ ଏତେପରିମାଣର ବୃଦ୍ଧି ଘଟିଥିବା କୁହାଯାଇଛି ।