ଧରା ପଡ଼ିଲା ଚୀନ ସୈନିକ,ଲଦ୍ଦାଖରେ ଅନୁପ୍ରବେଶ ଉଦ୍ୟମ ବିଫଳ

ଲେହ: ଲଦ୍ଦାଖରୁ ଆସିଛି ବଡ଼ ଖବର । ଭାରତୀୟ ସୀମା ମଧ୍ୟକୁ ଅନୁପ୍ରବେଶ ଉଦ୍ୟମ କରି ଧରା ପଡ଼ିଛି ଚୀନ ସୈନିକ । ଏହି ଚୀନ ସୈନିକ ଭାରତୀୟ ସୀମା ଭିତରେ ଥିବା ଚୁସୁଲ ସେକ୍ଟରର ଗୁରୁଙ୍ଗ୍ ଘାଟି ପାଖରେ ଧରା ପଡ଼ିଛି । ତେବେ ଜେରା ବେଳେ ସେ ଭୁଲରେ ଭାରତୀୟ ସୀମା ମଧ୍ୟକୁ ପ୍ରବେଶ କରିଥିବା କଥା କହିଛି ।

ଏବେ ସୈନିକକୁ ଜେରା କରାଯାଉଛି । ଜେରାରେ ସନ୍ତୁଷ୍ଟ ହେଲେ ତାକୁ ଚୀନ ଅଧିକାରୀଙ୍କୁ ପ୍ରତ୍ୟାର୍ପଣ କରାଯିବ । ରିପୋର୍ଟ ଅନୁସାରେ ଜାନୁଆରୀ ୮ ତାରିଖ ଦିନ ଲଦ୍ଦାଖର ବାସ୍ତବିକ ନିୟନ୍ତ୍ରଣ ରେଖା ନିକଟରେ ଚୀନ ସୈନିକଙ୍କୁ ବୁଲୁଥିବା ଦେଖିବାକୁ ମିଳିଥିଲା । ପେଙ୍ଗୋଙ୍ଗ୍ ହ୍ରଦର ଦକ୍ଷୀଣ ତଟରୁ ତାକୁ ଗିରଫ କରାଯାଇଛି ।

ସୂଚନାଯୋଗ୍ୟ ଯେ, ଏଲଏସିରେ ଭାରତ ଓ ଚୀନ୍ ମଧ୍ୟରେ ଜୁନ ମାସରୁ ଗତିରୋଧ ଜାରି ରହିଛି । ଏହାକୁ ନେଇ ଦୁଇ ଦେଶ ମଧ୍ୟରେ ସ୍ଥିତି ଏବେ ମଧ୍ୟ ସାମାନ୍ୟ ହୋଇ ନାହିଁ ।