‘କରୋନା ଲକ୍ଷଣ ଥିବା ବ୍ୟକ୍ତିଙ୍କ ଠାରୁ ହିଁ ହୋଇଥାଏ ସଂକ୍ରମଣ’
ଭୁବନେଶ୍ୱର: କରୋନା ସଂକ୍ରମିତଙ୍କୁ ଚିହ୍ନଟ କରିବା ଲାଗି ରାଜ୍ୟ ସରକାରଙ୍କ ନୂଆ ଷ୍ଟ୍ରାଟେଜି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ଆସନ୍ତାକାଲିଠାରୁ କରୋନା ସଂକ୍ରମିତଙ୍କୁ ଖୋଜିବେ ଆଶା ଦିଦି । ଜୁନ୍ ୧୬ଠାରୁ ଜୁଲାଇ ୩୧ ଯାଏଁ ଚାଲିବ ଏହି ଅଭିଯାନ । ଗ୍ରାମାଞ୍ଚଳରେ ପ୍ରତି ଘର ଓ ସହରାଞ୍ଚଳରେ ପ୍ରତି ବସ୍ତି ବୁଲି କରୋନା ଲକ୍ଷଣ ଥିବା ଲୋକଙ୍କୁ ଖୋଜିବେ ଏବଂ ସେମାନଙ୍କ ଟେଷ୍ଟିଂ କରାଇବେ ଆଶା ଦିଦି । ଏନେଇ ସୋମାବାର ରାଜ୍ୟ ସରକାରଙ୍କ କରୋନା ସମ୍ପର୍କିତ ପ୍ରେସମିଟରେ ସୂଚନା ଦେଇଛନ୍ତି ଜାତୀୟ ସ୍ୱାସ୍ଥ୍ୟ ମିଶନ ଓଡ଼ିଶାର ନିର୍ଦ୍ଦେଶିକା ଶାଳିନୀ ପଣ୍ଡିତ ।
ସେ ଆହୁରୀ କହିଛନ୍ତି ଯେ, ପୂର୍ବରୁ ୫୦ ହଜାର କୋଭିଡ ଟେଷ୍ଟିଂ ପାଇଁ ୨ ମାସ ସମୟ ଲାଗୁଥିଲା । ଏହା ପରେ ୫୦ ହଜାର ଟେଷ୍ଟିଂ ପାଇଁ ୨ ସପ୍ତାହ ସମୟ ଲାଗୁଛି । ରବିବାର ସୁଦ୍ଧା ରାଜ୍ୟରେ ୨ ଲକ୍ଷ କୋଭିଡ ଟେଷ୍ଟିଂ ପୂରା ହୋଇଛି । ରାଜ୍ୟର ୧୦ ଜିଲ୍ଲା ୧୭ଟି ସ୍ଥାନାରେ ଲାବ୍ରୋଟାରୀ ରହିଛି । କେବଳ ଖୋର୍ଦ୍ଧା, ବ୍ରହ୍ମପୁର ଓ କଟକ ନୁହେଁ କୋରାପୁଟ, ବଲାଙ୍ଗୀର ବାରିପଦା, ମୟୂରଭଞ୍ଜ, ମାଲକାନଗିରିର ମୈଥିଲି ବ୍ଳକରେ ମଧ୍ୟ ଟେଷ୍ଟିଂ ହେଉଛି ।
ଯେଉଁ ପରିମାଣରେ ଟେଷ୍ଟିଂ ହେଉଛି ତାହା ଯଥେଷ୍ଟ କ?
ଦେଶରେ ପ୍ରତି ୧୦ ଲକ୍ଷ ଲୋକଙ୍କ ଜନସଂଖ୍ୟାରେ ୪୩୦୫ ଲୋକଙ୍କ ଟେଷ୍ଟିଂ କରାଯାଉଥିବା ବେଳେ ରାଜ୍ୟରେ ୪୬୩୪ ଲୋକଙ୍କ ଟେଷ୍ଟିଂ କରାଯାଉଛି । ଏହି ପରିସଂଖ୍ୟାନ ଅନୁଯାୟୀ ରାଜ୍ୟରେ କରୋନା ଟେଷ୍ଟିଂ ଭଲ ହେଉଛି ।
କେଉଁ ଲୋକଙ୍କମାନଙ୍କ ଟେଷ୍ଟିଂ କରାଯାଉଛି?
ସମ୍ପ୍ରତି ସମଗ୍ର ବିଶ୍ୱରେ ମହାମାରୀ ଦେଖିବାକୁ କାୟା ବସ୍ତାର କରିଛି । ଏହା ଏକ ନୂଆ ରୋଗ ହୋଇଥିବାରୁ ଏସମ୍ପର୍କରେ ସାରା ବିଶ୍ୱରେ ଅନୁଧ୍ୟାନ ଚାଲିଛି । ପ୍ରତିଦିନ ନୂଆ ନୂଆ ତଥ୍ୟ ମଧ୍ୟ ପଦାକୁ ଆସୁଛି । ସେହି ତଥ୍ୟ ଅଧାରରେ କରୋନା ମୁକାବିଲା ନେଇ ପଦକ୍ଷେପ ଗ୍ରହଣ କରାଯାଉଛି । ସେହିଭଳି ନୂଆ ତଥ୍ୟ ଆଧାରରେ ଆଇସିଏମ୍ଆରର ପକ୍ଷରୁ ମଧ୍ୟ ଟେଷ୍ଟିଂ ନେଇ ନୂଆ ଗାଇଡଲାଇନ ଜାରି କରାଯାଇଛି ସେହି ଅନୁଯାୟୀ ରାଜ୍ୟରେ କରୋନା ଟେଷ୍ଟିଂ କରାଯାଉଛି । ଲକ୍ଷଣ ଥିବା ବ୍ୟକ୍ତିଙ୍କ ହିଁ କରୋନା ଟେଷ୍ଟିଂ କରାଯାଉଛି । ଏବଂ ତାଙ୍କ ସହ ସମ୍ପର୍କରେ ଆସିଥିବା ବ୍ୟକ୍ତିଙ୍କୁ ମଧ୍ୟ ଆମେ ଚିହ୍ନଟ କରୁଛୁ । ଗବେଷଣା ଅନୁଯାୟୀ ମୁଖ୍ୟତଃ ସଂକ୍ରମିତ ବ୍ୟକ୍ତି ଯାହାଙ୍କ ଠାରେ କରୋନା ଲକ୍ଷଣ ରହିଛି ସେମାନଙ୍କ ଠାରୁ ହିଁ କରୋନା ବ୍ୟାପେ । କରୋନା ଲକ୍ଷଣ ନଥିବା ଲୋକଙ୍କୁ ଠାରୁ କରୋନା ବ୍ୟାପିବାର ସମୟ ସୀମା କମ୍ । କରୋନା ଲକ୍ଷଣ ଥିବା ବ୍ୟକ୍ତିଙ୍କ ତୁଳନାରେ ଲକ୍ଷଣ ନଥିବା ବ୍ୟକ୍ତିଙ୍କ ଠାରୁ ସଂକ୍ରମଣର ଭୟ କମ୍ ।
