‘ମୋ ସରକାର’ରେ ସାମିଲ ହେଲା ଶିଳ୍ପ ଉଦ୍ୟୋଗ ଓ ଏମ୍ଏସ୍ଏମ୍ଇ ବିଭାଗ
ଭୁବନେଶ୍ୱର: ‘ମୋ ସରକାର’ରେ ସାମିଲ ହେଲା ଆଉ ୨ ବିଭାଗ । ଶିଳ୍ପ ଉଦ୍ୟୋଗ ଏବଂ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗ ସାମିଲ । ଏହା ଦ୍ଵାରା ଉଦ୍ୟୋଗୀ, ନିବେଶକାରୀ ଏବଂ ଅନ୍ୟ ଅଂଶୀଦାରଙ୍କୁ ବିଭାଗୀୟ ଅଧିକାରୀଙ୍କ ଦ୍ଵାରା ବ୍ୟବହାରରେ ପରିବର୍ତ୍ତନ ଆସିବା ସହିତ ସ୍ୱଚ୍ଛତା ତଥା ସାଧୁତା ବୃଦ୍ଧି ପାଇବ । ମୁଖ୍ୟମୁନ୍ତ୍ରୀ, ବିଭାଗୀୟ ମନ୍ତ୍ରୀ ଓ ଅଧିକାରୀ ପ୍ରମୁଖ ପଞ୍ଜିକୃତ ନମ୍ବରରୁ ଚୟନ କରି ଫିଡବ୍ୟାକ ନେବେ । ଏହି ଅବସରରେ ମୁଖ୍ୟମନ୍ତ୍ରୀ ସୁଶାସନ ପାଇଁ ବାର୍ତ୍ତା ଦେବା ସହ ଆଗାମୀ ଦିନରେ ଅନ୍ୟ ବିଭାଗ ପ୍ରତି ଆଦର୍ଶ ହେବ ବୋଲି କହିଛନ୍ତି । ସେପଟେ ନିବେଶକ ତଥା ଉଦ୍ୟୋଗପତିମାନଙ୍କର ଭରସାର ପାତ୍ର ହୋଇ କର୍ମଚାରୀମାନଙ୍କୁ ଏ ଦିଗରେ ସଚେତନ କରାଇବା ପାଇଁ ପଦକ୍ଷେପ ନିଆଯାଉଥିବା ବିଭାଗୀୟ ମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି ।
