କଟକ: ସୁଦୂର ଇଣ୍ଡୋନେସିଆ ଦେଖିବ ଓଡ଼ିଶୀର ଚମକ। ଆସନ୍ତାକାଲି ଠାରୁ ସପ୍ତାହବ୍ୟାପୀ ବାଲି, ଜାକର୍ତ୍ତାରେ ଶୁଭିବ ଓଡ଼ିଶୀ ନୃତ୍ୟାଙ୍ଗନାଙ୍କ ଘୁଙ୍ଗୁରର ଶବ୍ଦ। ଇଣ୍ଡୋନେସିଆରୁ ଶୁଭିବ ଓଡ଼ିଶୀ ଘୁଙ୍ଗୁରର ଶବ୍ଦ। ସପ୍ତାହବ୍ୟାପୀ ଆୟୋଜିତ ହେବ ଓଡ଼ିଶୀ ନୃତ୍ୟୋତ୍ସବ। ପାରମ୍ପରୀକ ନୃତ୍ୟ ସହ ରାମାୟଣକୁ ମଞ୍ଚରେ ଦେଖାଇବେ ନୃତ୍ୟାଙ୍ଗନା। ବାଲି, ଜାକର୍ତ୍ତା ଭଳି ସହର ଦେଖିବ ଓଡ଼ିଶୀ ନୃତ୍ୟର ଚମକ। ଏଥିପାଇଁ ଇଣ୍ଡୋନେସିଆ ଯାତ୍ରା କରିଛନ୍ତି ନୃତ୍ଯଶିଳ୍ପୀ। କଟକ ଗୁଞ୍ଜନ ଡ୍ୟାନ୍ସ ଏକାଡେମୀର ୧୦ ଜଣିଆ ଟିମ୍ ଇଣ୍ଡୋନେସିଆ ଯାତ୍ରା କରିଛନ୍ତି। ଜଣାଶୁଣା ନୃତ୍ୟଶିଳ୍ପୀ ମୀରା ଦାସଙ୍କ ସହ ନୃତ୍ୟାଭ୍ୟାସ କରିଛନ୍ତି ସମସ୍ତ ନୃତ୍ୟାଙ୍ଗନା।
ଦୁଇଦେଶ ମଧ୍ୟରେ ସାଂସ୍କୃତିକ ଆଦାନପ୍ରଦାନ ପାଇଁ ଏପରି ଆୟୋଜନ କରିଛି ICCR ସଂସ୍ଥା । ଗୁରୁ ମୀରା ଦାସଙ୍କ ସହ ବରିଷ୍ଠ ନୃତ୍ୟାଙ୍ଗନା ସସ୍ମିତା ପଣ୍ଡା, ପ୍ରିୟଙ୍କା ଜେନା, ବିଦ୍ୟା ବିଶ୍ବଜିତା ଓ ପ୍ରଥମକରି ଏହି ଯାତ୍ରାରେ ସାମିଲ ହୋଇଛନ୍ତି ଅନେକ ନୂତନ ପ୍ରତଭା । ଏହି ୧୦ ଜଣିଆ ଦଳ ବିଭିନ୍ନ ସ୍ଥାନରେ ଆୟୋଜିତ ୮ଟି କାର୍ଯ୍ୟକ୍ରମରେ ସେମାନଙ୍କ କଳା ପ୍ରଦର୍ଶନ କରିବେ । ଇଣ୍ଡୋନେସିଆରେ ଓଡ଼ିଆ ସଂସ୍କୃତିକ ପ୍ରଦର୍ଶନ କରିବାକୁ ସୁଯୋଗ ମିଳିଥିବାରୁ ସଭିଏଁ ଖୁସି ପ୍ରକାଶ କରିଛନ୍ତି।
