ରନଓ୍ବେରୁ ଖସିଲା ଇଣ୍ଡିଗୋ ବିମାନ, ସମସ୍ତ ଯାତ୍ରୀ ନିରାପଦ

ଆସାମ: ଆସାମ ଜୋରହାଟ ବିମାନ ବନ୍ଦରରେ ରନଓ୍ବେରୁ ଖସିଗଲା ଇଣ୍ଡିଗୋ । ଜୋରହାଟରୁ କୋଲକାତା ଯିବାକୁ ଥିବା ବିମାନର ଚକ କାଦୁଅରେ ଫସିଯିବା ପରେ ପ୍ରତିକ୍ରିୟା ରଖିଛନ୍ତି କମ୍ପାନି କର୍ତ୍ତୃପକ୍ଷ । ୬E-୭୫୭ ଇଣ୍ଡିଗୋ ବିମାନ ଜୋରହାଟରୁ କୋଲକାତା ଯିବାର ଥିଲା । ମାତ୍ର ଉଡାଣ ବେଳେ ଏହାର ଚକ କାଦୁଅରେ ପଶିଯିବାରୁ ଏହାକୁ ପୁଣି ବେ କୁ ଅଣାଯାଇଥିଲା । ବିମାନରେ ଥିବା ୯୮ ଯାତ୍ରୀ ନିରାପଦ ଥିଲେ । ପରେ ଏହି ବିମାନର ଉଡାଣ ବାତିଲ କରାଯାଇଥିଲା । ପାଇଲଟ ଏହି ସୂଚନା ଦେବା ପରେ ବିମାନର ଉଡାଣ ବାତିଲ କରାଯାଇ ଯାଞ୍ଚ କରାଯାଇଥିଲା । ଗତ ଗୁରୁବାର ଏହି ଘଟଣା ଘଟିଥିଲା ।