ଚୀନ ବର୍ଡରରେ ଗର୍ଜିବ ସୁଖୋଇ, ରାଫେଲ ଫାଇଟର ଜେଟ୍

ନୂଆଦିଲ୍ଲୀ: ସୀମାରେ ଉତ୍ତେଜନା ସ୍ଥିତି ଭିତରେ ଆଜିଠୁ ଶକ୍ତି ପ୍ରଦର୍ଶନ କରିବ ବାୟୁସେନା । ଚୀନ ବର୍ଡରରେ ଗର୍ଜିବ ସୁଖୋଇ, ରାଫେଲ ଫାଇଟର ଜେଟ । ଭାରତ-ଚୀନ ସୀମାରେ ଦୁଇ ଦିନିଆ ଯୁଦ୍ଧାଭ୍ୟାସ କରିବ ଏୟାରଫୋର୍ସ । ଏଥିରେ ବାୟୁସେନାର ପ୍ରାୟ ସମସ୍ତ ଯୁଦ୍ଧ ବିମାନ ସାମିଲ ହୋଇ ଶକ୍ତି ପ୍ରଦର୍ଶନ କରିବେ ।

ସମସ୍ତ ଫ୍ରଣ୍ଟଲାଇନ ଏୟାରବେସ୍ ଓ ଆଡଭାନ୍ସ ଲ୍ୟାଣ୍ଡିଂ ଗ୍ରାଉଣ୍ଡସ ଏଥିରେ ସାମିଲ ହେବେ। ବାୟୁସେନାର ଶକ୍ତି ଓ ଯୁଦ୍ଧ ପ୍ରସ୍ତୁତି ପାଇଁ ଏହି ସମରାଭ୍ୟାସ କରାଯିବ। ୨୦୨୦ରେ ଗଲଓ୍ବାନରେ ଭାରତ-ଚୀନ ସେନା ମଧ୍ୟରେ ରକ୍ତାକ୍ତ ସଂଘର୍ଷ ହେବା ପରଠାରୁ LAC ନିକଟରେ ସେନାର ହାଇଲେବୁଲ ଅପରେସନ ଜାରି ରହିଛି । ତେବେ ଗତ ସପ୍ତାହରେ ବି ଚୀନର ଗତିବିଧି ଉପରେ ନଜର ରଖିବାକୁ ସୀମାରେ ଯୁଦ୍ଧ ବିମାନ ଉଡାଇଥିଲା ବାୟୁସେନା ।