ହରନାଜ କୌର ସନ୍ଧୁ ହେଲେ ମିସ୍ ୟୁନିଭର୍ସ
ନୂଆଦିଲ୍ଲୀ: ଭାରତର ହରନାଜ କୌର ସନ୍ଧୁ ମିସ୍ ୟୁନିଭର୍ସ ଟାଇଟଲ୍ ଜିତିଛନ୍ତି । ୨୧ ବର୍ଷ ବୟସରେ ମିସ୍ ୟୁନିଭର୍ସ ହୋଇଛନ୍ତି ପଞ୍ଜାବର ଝିଅ ହରନାଜ କୌର । ଏଥିସହ ଭାରତକୁ ୨୧ ବର୍ଷ ପରେ ହରନାଜ ମିସ୍ ୟୁନିଭର୍ସ ହୋଇ ଗୌରବାନ୍ୱିତ କରିଛନ୍ତି । ୭୦ତମ ମିସ୍ ୟୁନିଭର୍ସ କାର୍ଯ୍ୟକ୍ରମ ଚଳିତବର୍ଷ ଇସ୍ରାଏଲରେ ଅନୁଷ୍ଠିତ ହୋଇଛି ।
ହରନାଜ କୌର ସନ୍ଧୁଙ୍କ ପୂର୍ବରୁ ୨୦୦୦ ମସିହାରେ ଭାରତର ଲାରା ଦତ୍ତ ମିସ୍ ୟୁନିଭର୍ସ ତାଜ୍ ପିନ୍ଧିଥିଲେ । ସନ୍ଧୁଙ୍କ ପୂର୍ବରୁ କେବଳ ୨ ଜଣ ଭାରତୀୟ ଏହି ଗୌରବ ଦେଶ ପାଇଁ ଆଣିଛନ୍ତି । ୧୯୯୪ରେ ଅଭିନେତ୍ରୀ ସୁସ୍ମିତା ସେନ୍ ଓ ୨୦୦୦ ମସିହାରେ ଲାରା ଦତ୍ତ ମିସ୍ ୟୁନିଭର୍ସ ମୁକୁଟ୍ ପିନ୍ଧିଥିଲେ ।
ପଞ୍ଜାବର ଚଣ୍ଡିଗଡ଼ରେ ରୁହନ୍ତି ହରନାଜ କୌର ସନ୍ଧୁ । ପେଶାର ଜଣେ ମଡେଲ୍ ହେଉଛନ୍ତି ହରନାଜ୍ । ସେ ସାଧାରଣ ପ୍ରଶାସନରେ ଏମ.ଏ କରିଛନ୍ତି । ହରନାଜ ମିସ୍ ୟୁନିଭର୍ସ ହୋଇଥିବା ବେଳେ ପାରାଗୁଏର ୨୨ ବର୍ଷୀୟ ନାଦିଆ ଫରେରା ଦ୍ୱିତୀୟ ସ୍ଥାନରେ ରହିଥିବା ବେଳେ ଦକ୍ଷିଣ ଆଫ୍ରିକାର ୨୪ ବର୍ଷୀୟ ଲାଲେଲା ମସୱାନେ ତୃତୀୟ ସ୍ଥାନରେ ରହିଛନ୍ତି ।
