ମାଇନସ୍ ଟ୍ରାକ୍ରେ ଦେଶର ଜିଡିପି..!
ନୂଆଦିଲ୍ଲୀ: ମାଇନସ୍ ଟ୍ରାକ୍ରେ ଦେଶର ଜିଡିପି । ପ୍ରକାଶ ପାଇଛି ଚଳିତ ଆର୍ଥିକବର୍ଷର ଦ୍ୱିତୀୟ ତ୍ରୈମାସିକ ଜିଡିପି ରିପୋର୍ଟ । ଗତ ଜୁଲାଇରୁ ସେପ୍ଟେମ୍ବର ପର୍ଯ୍ୟନ୍ତ ଏହି ଜିଡିପି ରିପୋର୍ଟ ପ୍ରକାଶ ପାଇଛି । ଦ୍ୱିତୀୟ ତ୍ରୈମାସିକ ଜିଡିପି ରିପୋର୍ଟ ମାଇନସ ୭ ଦଶମିକ ୫ ପ୍ରତିଶତ ରହିଛି । ଯାହା ୮୫.୩୦ ଲକ୍ଷ କୋଟି ଟଙ୍କା ରହିଛି ।
ପୂର୍ବରୁ ପ୍ରଥମ ତ୍ରୈମାସିକରେ ଦେଶର ଜିଡିପି ଅଭିବୃଦ୍ଧି ମାଇନସ୍ ୨୩ ଦଶମିକ ୯ ପ୍ରତିଶତ ଥିଲା । ପ୍ରଥମ ତ୍ରୈମାସିକ ଜିଡିପି ରିପୋର୍ଟ ତୁଳନାରେ ଏଥର ସ୍ଥିତିରେ ସୁଧାର ଆସିଛି । କରୋନା ମହାମାରୀ ପାଇଁ ପ୍ରଥମ ଜିଡିପି ହାର ବହୁତ କମ ରହିଥିଲା । କରୋନା ମହାମାରୀ ଓ ଲକ୍ଡାଉନ୍ ଯୋଗୁ ଜିଡିପି ହାର ଖସିଛି ବୋଲି ବିଶେଷଜ୍ଞ କହିଛନ୍ତି । ଏଥିସହ ଅକ୍ଟୋବର ମାସରେ ୮ଟି କୋର୍ ଇଣ୍ଡଷ୍ଟ୍ରିଜର ପ୍ରଦର୍ଶନ ନୈରାଶ୍ୟ ଜନକ ରହିଛି । ତେବେ ଆରବିଆଇର ଅନୁମାନ ଅନୁସାରେ ଦ୍ୱିତୀୟ ତ୍ରୈମାସିକ ରିପୋର୍ଟରେ ଭଲ ପ୍ରଦର୍ଶନ ହୋଇଛି ।
