ଇସାରାରେ ପାକିସ୍ତାନକୁ ଭାରତର ଜବାବ: ଗିଲ୍ଗିଟ୍-ବାଲିଚିସ୍ତାନ ଅଞ୍ଚଳର ପାଣିପାଗ ନେଇ ପୂର୍ବାନୁମାନ କଲା IMD
1 min read
ନୂଆଦିଲ୍ଲୀ: ପାକିସ୍ତାନକୁ ଭାରତର ଜବାବ । ଇସାରାରେ ଗିଲ୍ଗିଟ୍-ବାଲିଚିସ୍ତାନ ଭାରତର ଅଭିନ୍ନ ଅଙ୍ଗ ବୋଲି କହିଲା ଭାରତ । ଭାରତୀୟ ପାଣିପାଗ ବିଭାଗ ଜମ୍ମୁ କଶ୍ମୀର ସବ୍ ଡିଭିଜନକୁ ଏବେ ଜମ୍ମୁ ଏବଂ କଶ୍ମୀର, ଲଦାଖ, ଗିଲ୍ଗିଟ୍-ବାଲିଚିସ୍ତାନ ଏବଂ ମୁଜାଫରବାଦ କହିବା ଆରମ୍ଭ କରିଦେଇଛି ।
ମଙ୍ଗଳବାର ଆଇଏମ୍ଡି ନର୍ଥଓ୍ୱେଷ୍ଟ ଇଣ୍ଡିଆ ପାଇଁ ପାଣିପାଗର ପୂର୍ବାନୁମାନ କରିଛି । ସେଥିରେ ଗିଲ୍ଗିଟ୍-ବାଲିଚିସ୍ତାନ ଏବଂ ମୁଜାଫରବାଦକୁ ମଧ୍ୟ ସାମିଲ କରାଯାଇଛି । ଗିଲ୍ଗିଟ୍-ବାଲିଚିସ୍ତାନ ଏବଂ ମୁଜାଫରବାଦ ଉଭୟ ଉପରେ ପାକିସନ୍ତାନର ଅବୈଧ ଅକ୍ତିଆର ରହିଛି ।
ଆଇଏମ୍ଡି ଡାଇରେକ୍ଟର ଜେନରାଲ୍ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ଆଇଏମ୍ଡି ସମ୍ପର୍ଣ୍ଣ ଜମ୍ମୁ କଶ୍ମୀର ଏବଂ ଲଦାଖ ପାଇଁ ବୁଲେଟିନ୍ ଜାରି କରିଛି । ଆମେ ବୁଲେଟିନ୍ରେ ଗିଲ୍ଗିଟ୍-ବାଲିଚିସ୍ତାନ ଏବଂ ମୁଜାଫରବାଦ ବିଷୟରେ ଏଥିପାଇଁ ଉଲ୍ଲେଖ କରିଛୁ ଯେ, କାହିଁକି ଏହା ଭାରତର ଅଂଶ । ଚଳିତ ମାସ ଆରମ୍ଭ ଭାରତ ସ୍ପଷ୍ଟ କରିଦେଇଛି ଯେ, ପାକିସ୍ତାନର ଏହି ସବୁ ଅଞ୍ଚଳରେ ଉପରେ କୌଣସି ହକ୍ ନାହିଁ । ସୁପ୍ରିମକୋର୍ଟର ପାକିସ୍ତାନ ସରକାରଙ୍କୁ ଗିଲ୍ଗିଟ୍-ବାଲିଚିସ୍ତାନ ନିର୍ବାଚନ କରିବା ଲାଗି ଆଦେଶ ଦେଇଛି । ଭାରତ ଏହା ଉପରେ କଡ଼ା ପ୍ରତିକ୍ରିୟା ପ୍ରକାଶ କରିଛି । ପାକିସ୍ତାନ ସମ୍ପୃକ୍ତ ଅଞ୍ଚଳର ଆଭ୍ୟନ୍ତରୀଣ ବ୍ୟାପରରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ ।
