ଦେଶରେ କୋଟିଏ ଛୁଇଁଲା ସଂକ୍ରମଣ ମାମଲା
ନୂଆଦିଲ୍ଲୀ: ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା କୋଟିଏ ଟପିଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
ଗତ ୨୪ ଘଣ୍ଟାରେ ଆଉ ୨୫ ହଜାର ୧୫୩ ନୂଆ ମାମଲା ଚିହ୍ନଟ ହୋଇଛନ୍ତି । ଯାହାକୁ ମିଶାଇ ମୋଟ୍ ସଂକ୍ରମଣ ମାମଲା ୧ କୋଟି ଟପିଛି ।
ସେହିପରି କରୋନାରେ ଦିନକରେ ଆଉ ୩୨୭ ରୋଗୀଙ୍କର ମୃତୁ ଘଟିଛି । ଏଥିସହ ଦେଶରେ ମୋଟ୍ କରୋନାଜନିତ ମୃତ୍ୟୁ ସଂଖ୍ୟା ୧ଲକ୍ଷ ୪୫ ହଜାର ୧୩୬ରେ ପହଞ୍ଚିଛି ।
ତେବେ ଏବେ ସୁଦ୍ଧାର ସାରା ଦେଶରେ ୯୫ ଲକ୍ଷ ୫୦ ହଜାର ୭୧୨ ଜଣ ସୁସ୍ଥ ହୋଇଛନ୍ତି । ଏହାବ୍ୟତୀତ ୩ ଲକ୍ଷ ୮ ହଜାର ୭୫୧ଟି ସକ୍ରିୟ ମାମଲା ରହିଛି ।
