ରାଜ୍ୟଗୋଷ୍ଠୀ କ୍ରୀଡା: ୪X୧୦୦ ରିଲେ ଫାଇନାଲକୁ ଉଠିଲା ଭାରତୀୟ ମହିଳା ଦଳ

ବର୍ମିଂହାମ: ଭାରତୀୟ ମହିଳା ରିଲେ ଦଳର ଫାଇନାଲ ଯୋଗ୍ୟତା ଅର୍ଜନ । ଦୁଇ ଓଡିଆ ଧାବିକା ଶ୍ରାବଣୀ ନନ୍ଦ ଓ ଦୂତୀ ଚାନ୍ଦ ଦୌଡ଼ୁଥିଲେ । ୪୪.୪୫ସେକେଣ୍ଡରେ ଦୂରତା ଅତିକ୍ରମ କରିଛି ଭାରତୀୟ ମହିଳା ଦଳ । ଭାରତୀୟ ମହିଳା ରିଲେ ଦଳର ଫାଇନାଲ ଯୋଗ୍ୟତା ଅର୍ଜନ କରିଛି । ଦୁଇ ଓଡ଼ିଆ ଧାବିକାଙ୍କ ବ୍ୟତୀତ ହିମା ଦାସ ଓ ଜ୍ୟୋତି ୟାରଜି ରିଲେ ଦଳରେ ସାମିଲ ଥିଲେ ।

ଜାମାଇକା ରିଲେ ଦଳ ୪୩.୬୬ ସେକେଣ୍ଡରେ ଦୂରତା ଅତିକ୍ରମ କରି ପ୍ରଥମରେ ରହିଥିଲା ଏବଂ ଭାରତ ଦ୍ୱିତୀୟ ସ୍ଥାନରେ ରହିଥିଲା । ଫାଇନାଲରେ ଭାରତ ପଦକ ଜିତିବା ନେଇ ଆଶା କରାଯାଉଛି । ପୂର୍ବରୁ ଓଡିଆ ଧାବିକା ଦୂତି ଚାନ୍ଦ ୧୦୦ ଦୌଡ଼ରେ ଚତୁର୍ଥରେ ରହି ପ୍ରଥମ ରାଉଣ୍ଡରୁ ବିଦା ହୋଇଥିଲେ । ହେଲେ ଏବେ ମହିଳା ଦଳରେ ସାମିଲ ଦୂତି ଫାଇନାଲକୁ ଉତ୍ତୀର୍ଣ୍ଣ ହେବା ସହ ପଦକ ଆଶା ଉଜ୍ଜୀବିତ କରିଛନ୍ତି ।