ପିଲାଦିନରୁ ଅଞ୍ଜୁକୁ ନେଇ ପରିବାରରେ ନଥିଲା ଖୁସି : ସୀତାରାମ

ନନ୍ଦିଘୋଷ ବ୍ୟୁରୋ: ଏହା କେମିତିକା ପ୍ରେମ । ପରିବାର, ସ୍ବାମୀ ସମସ୍ତଙ୍କୁ ଛାଡି ସୀମା ପାର ହୋଇଥିଲେ ସୀମା ହାଇଦର ।  ସଚ୍ଚିନକୁ ପାଇବା ପାଇଁ ପାକିସ୍ତାନରୁ ଭାରତକୁ ପ୍ରବେଶ କଲେ । ପାକିସ୍ତାନୀ ସୀମାଙ୍କୁ ନେଇ ଚର୍ଚ୍ଚା ଥମିନଥିବା ବେଳେ ଅଞ୍ଜୁଙ୍କୁ ନେଇ ଉଠିଲା ଆଉ ଏକ ଝଡ। ଉତ୍ତରପ୍ରଦେଶର ଝିଅ ଅଞ୍ଜୁକୁ ନେଇ ଏବେ ସବୁଠି ଆଲୋଚନା। ଅଞ୍ଜୁ ପାକିସ୍ତାନର ଯୁବକ ନାସରୁଲ୍ଲାକୁ ପାଇବା ପାଇଁ ପାକିସ୍ତାନରେ ପହଞ୍ଚିଥିଲା । ତା ପରେ ଅଞ୍ଜୁ ବନିଯାଇଥିଲା ଫାତିମା । କେବଳ ସେତିକି ନୁହେଁ ଅଞ୍ଜୁ ଏବଂ ନାସରୁଲ୍ଲାଙ୍କର ଏକ ଭିଡିଓ ମଧ୍ୟ ଭାଇରାଲ ହୋଇଥିଲା । ଯାହା ପରେ ଅଞ୍ଜୁର ଏଭଳି କାର୍ଯ୍ୟକୁ ନେଇ ପରିବାରରେ ଝଡ଼ ଉଠିଥିଲା।

ଅଞ୍ଜୁର ଜେଜେ ମାଙ୍କ କହିବା ମୁତାବକ ପିଲାଟି ଦିନରୁ ଅଞ୍ଜୁ ପରିବାରର ସମସ୍ତଙ୍କୁ ଅନେକ ହଇରାଣ ହରକତ୍ କରୁଥିଲେ । ଜେଜେ ମା ଏହା ଦେଖି କେବେ ଖୁସିନଥିଲେ । ଅଞ୍ଜୁର ପିତାମାତା ଉତ୍ତରପ୍ରଦେଶର ଜାଲାଉନ୍ ଜିଲ୍ଲାର ରହୁଥିଲେ । ଯେତେବେଳେ ଅଞ୍ଜୁଙ୍କ ପିତା ଖ୍ରୀଷ୍ଟିୟାନ ହୋଇଥିଲେ ସେତେବେଳେ ଅଞ୍ଜୁଙ୍କ ଜେଜେ ମା ଏହାକୁ ପସନ୍ଦ କରିନଥିଲେ ।

ଅଞ୍ଜୁ ତାର ପ୍ରେମିକ ନାସରୁଲ୍ଲାକୁ ଭେଟିବାକୁ ପାକିସ୍ତାନ ଗଲା ତାପରେ ଗଣମାଧ୍ୟମରେ ଏହି ଖବର ଖୁବ ଜୋରରେ ପ୍ରଘଟ ହେଲା। ସେତେବେଳେ ଦାଦା ସୀତାରାମ ଏହି ଘଟଣା ଜାଣିବାପରେ  ଭାଙ୍ଗିପଡିଥିଲେ । ସେ ଏହା ମଧ୍ୟ କହିଛନ୍ତି ସୀତାରାମ ମଧ୍ୟ ତାଙ୍କ ପୁତୁରା ଏବଂ ଅଞ୍ଜୁଙ୍କ ପିତା ଗୟାପ୍ରସାଦଙ୍କୁ ନେଇ ଖୁସି ନଥିଲେ। କାରଣ ଗୟା ପ୍ରସାଦ ତାଙ୍କ ପରିବାର ସହ ଖ୍ରୀଷ୍ଟିୟାନ ହୋଇଯାଇଥିଲେ । ଦାଦା ସୀତାରାମ ଜାଲୁନ ଜିଲ୍ଲାର କଲୋର ଗାଁରେ ରୁହନ୍ତି ଯେଉଁଠି ଅଞ୍ଜୁ ଜନ୍ମ ଗ୍ରହଣ କରିଥିଲେ । ସୀତାରାମ କୁରୁଟିର ଏକ ଜୁନିୟର ହାଇସ୍କୁଲର ପ୍ରଧାନ ଶିକ୍ଷକ ଥିଲେ । ଅଞ୍ଜୁଙ୍କ ମାତା ଏବଂ ମାମୁଁ ରୋଶନଲାଲ କହିଛନ୍ତି ଯେ ଅଞ୍ଜୁର ପିଲାଦିନ ଦୀର୍ଘ ଦିନ ଧରି ଏଠାରେ କଟିଛି । ସେ ସାଇକେଲରେ ନିଜ ପିତା ମାତାଙ୍କ ସହ କୁରୁଟି ଯାଉଥିଲେ । ସେତବେଳେ ଅଞ୍ଜୁର ପିତା ଗୋୱାଲିୟରରେ ଟେଲରିଂ କାମ କରୁଥିଲେ । କିଛିଦିନ ପରେ ଯେତବେଳେ ଗୟା ପ୍ରସାଦ ଏବଂ ପତ୍ନୀ ସୁଲୋଚନା ସହ ଅଞ୍ଜୁର ଚାରି ଭଉଣି ଗୋଟିଏ ଭାଇ ଖ୍ରୀଷ୍ଟିୟାନ ଧର୍ମ ଗ୍ରହଣ କରିଥିଲେ । ସେତେବେଳେ ଅଞ୍ଜୁଙ୍କ ଜେଜେ ମା ଏବଂ ଜେଜେ ବାପା ଖୁବ୍ ରାଗି ଯାଇଥିଲେ ।

୨୦୦୭ ମସିହାରେ ଅଞ୍ଜୁ ଅରବିନ୍ଦ ରାଫେଲଙ୍କୁ ବିବାହ କରିଥିଲେ, ଉଭୟଙ୍କର ଦୁଇଟି କନ୍ୟା ସନ୍ତାନ ଅଛି । ଉଭୟ ରାଜସ୍ଥାନର ଭବାଡିରେ ରହୁଥିଲେ । ଏହି ସ୍ଥାନରୁ ଅଞ୍ଜୁ କାହାକୁ ନକହି ପାକିସ୍ଥାନ ଯାଇଥିଲେ । ଏହା ପରେ ବିଭିନ୍ନ ଗଣମାଧ୍ୟମରେ ଖବର ସାମ୍ନାକୁ ଆସିଲା ଅଞ୍ଜୁ ଧର୍ମ ପରିବର୍ତନ କରି ଅଞ୍ଜୁରୁ ବନିଯାଇଥିଲେ ଫାତିମା ।  ସେ ତାଙ୍କ ପ୍ରେମିକା ନାସରୁଲ୍ଲାଙ୍କୁ ବିବାହ କରିଥିବା ଚର୍ଚ୍ଚା ହେଉଛି । ଅଞ୍ଜୁ ଏବଂ ନାସରୁଲ୍ଲାଙ୍କ ମଧ୍ୟରେ ୨୦୨୦ରେ ଫେସବୁକରେ ସାକ୍ଷାତ ହୋଇଥିଲା । ପରେ ପରେ ବନ୍ଧୁତା ପ୍ରେମ ସମ୍ପର୍କରେ ପରିଣତ ହୋଇଥିଲା ।