ନୂଆଦିଲ୍ଲୀ: ଫେସ୍ବୁକରେ ଏମିତି ଏକ ସୋସିଆଲ ମିଡିଆ ଯାହାକୁ ଏବେ ବିଶ୍ୱର ଅଧାରୁ ଅଧିକ ଲୋକ ବ୍ୟବହାର କରୁଛନ୍ତି। ଫେସ୍ବୁକ କେବବଳ ସାଙ୍ଗ ମାନଙ୍କ ସହ କଥା ହେବାର ଏକ ମାଧ୍ୟମ ନୁହେଁ। ନିଜର ଷ୍ଟଟଅପକୁ ବଢ଼ାଇବା ପାଇଁ ଫେସ୍ବୁକ ହେଉଛି ଏକ ଉନ୍ନତ ମଧ୍ୟମ। ସେଥିପାଇଁ ବିଭିନ୍ନ ପ୍ରକାରର ବିଜ୍ଞାପନ ଆମେ ଏହି ସୋସିଆଲ ମିଡିଆ ଫେସ୍ବୁକରେ ଦେଖିବାକୁ ପାଇଥାଉ। ଏହିସବୁ ବିଜ୍ଞାପନରୁ ଫେସବୁକ୍କୁ ଅହେତୁକ ଶୁଳ୍କ ମଧ୍ୟ ମିଳିଥାଏ। ହେଲେ ଫେସ୍ବୁକ କିଛି ବିଜ୍ଞାପନ ପାଇଁ କିଛି ସର୍ତ୍ତବଳି ମଧ୍ୟ ରଖିଛି। ଯେମିତିକି ଫେସ୍ବୁକ୍ ତାର ବିଜ୍ଞାପନରେ କୌଣସି ତମାଖୁର ବ୍ୟବହାର କରାଯାଇପାରିବ ନାହିଁ। ହେଲେ ଏଭଳି ନିୟମକୁ ମାନୁନାହଁନ୍ତି ତମାଖୁ ଉତ୍ପାଦକ କମ୍ପାନୀ।
ଭାରତରେ କିଛି ତମାଖୁ ଉତ୍ପାଦ ବିକ୍ରେତା ବିକ୍ରୟ ବୃଦ୍ଧି ପାଇଁ ମାର୍କେଟିଂ ପ୍ରତିବନ୍ଧକକୁ ଅତିକ୍ରମ କରି ସୋସିଆଲ ମିଡିଆ ପ୍ଲାଟଫର୍ମରେ ପ୍ରମୋସନ କରୁଛନ୍ତି। ଯାହା ସିଗାରେଟ୍ ଏବଂ ଅନ୍ୟାନ୍ୟ ତମାଖୁ ଉତ୍ପାଦ ଅଧିନିୟମ (COTPA) ର ସିଧାସଳଖ ଉଲ୍ଲଂଘନ। ଜନସ୍ୱାସ୍ଥ୍ୟ ଗୋଷ୍ଠୀ ଗୁରୁତ୍ୱପୂର୍ଣ୍ଣ ରଣନୀତି ଏହି ବିଷୟରେ ଏକ ଅଧ୍ୟୟନ କରିଛି।
ଏହି ଅଧ୍ୟୟନରୁ ଜଣାପଡ଼ିଛି ଫେସ୍ବୁକର ଅସଲ ଚିତ୍ର। ଏଥିରେ କୁହାଯାଇଛି ଯେ ତମାଖୁ ଉତ୍ପାଦ ବିକ୍ରେତାମାନେ ଗତ ୯ ମାସ ମଧ୍ୟରେ ସୋସିଆଲ ମିଡିଆ ପ୍ଲାଟଫର୍ମରେ ୩୪୦ରୁ ଅଧିକ ଥର ସେମାନଙ୍କ ଉତ୍ପାଦକୁ ପ୍ରୋତ୍ସାହିତ କରୁଥିବା ଦେଖାଯାଇଥିଲା। ସର୍ବାଧିକ ପ୍ରମୋସନ୍ ଫେସବୁକ୍ ମାଧ୍ୟମରେ କରାଯାଇଥିଲା, ପାଖାପାଖି ୯୮%। ସବୁଠାରୁ ବଡ଼ କଥା ହେଉଛି ଫେସବୁକ ଏହାର ନୀତିରେ ସ୍ପଷ୍ଟ ଭାବରେ ଲେଖିଛି ଯେ ତମାଖୁ ଦ୍ରବ୍ୟର ପ୍ରୋତ୍ସାହନ ଏହାର ପ୍ଲାଟଫର୍ମରେ ଅନୁମତିପ୍ରାପ୍ତ ନୁହେଁ। ଏଭଳି ଲେଖା ଥାଇ ମଧ୍ୟ କେମିତି ୯୮% ପ୍ରମୋସନ୍ କେବଳ ତମାଖୁର ହେଲା ସେନେଇ ଏବେ ପ୍ରଶ୍ନ ଉଠିଛି।
୨୭୧ ଥର ବିଡିର ଫଟୋ ପୋଷ୍ଟ କରି ସିଧାସଳଖ ମାର୍କେଟିଂ
ରିପୋର୍ଟ ଅନୁଯାୟୀ ଡିସେମ୍ବର ୨୦୨୦ ରୁ ଅଗଷ୍ଟ ୨୦୨୧ ମଧ୍ୟରେ ୨୭୧ ଥର ବିଡି ଚିତ୍ରର ସିଧାସଳଖ ମାର୍କେଟିଂ ପୋଷ୍ଟ କରାଯାଇଥିଲା। ଏଥି ସହିତ, ୭୩ ଥର ତମାଖୁ ଉତ୍ପାଦକୁ ଫେଷ୍ଟିଭାଲ ସହ ଲିଙ୍କ କରି ପରୋକ୍ଷ ମାର୍କେଟିଂ କରାଯାଇଛି।
ସରକାର ଏବଂ ଫେସବୁକ୍ ତମାଖୁ ମାର୍କେଟିଂ ବନ୍ଦ କରିଛନ୍ତି
ଭାଇଟାଲ୍ ଷ୍ଟ୍ରାଟେଜିର ଗ୍ଲୋବାଲ୍ ପଲିସି ଏବଂ ରିସର୍ଚ୍ଚର ଉପାଧ୍ୟକ୍ଷ ନନ୍ଦିତା ମୁରୁକୁଟଲା ଡିଜିଟାଲ୍ ମିଡିଆରେ ତମାଖୁ ଉତ୍ପାଦର ମାର୍କେଟିଂ ବନ୍ଦ କରିବାକୁ ପଦକ୍ଷେପ ନେବାକୁ ସରକାର ତଥା ସୋସିଆଲ୍ ମିଡିଆ ପ୍ଲାଟଫର୍ମ ବିଶେଷ କରି ଫେସବୁକ୍ କୁ କହିଛନ୍ତି।
ଫେସବୁକରେ ତମାଖୁ ମାର୍କେଟିଂର ଦବଦବା
ପ୍ରତ୍ୟକ୍ଷ କିମ୍ବା ପରୋକ୍ଷ ମାର୍କେଟିଂର ୩୪୪ ଟି ମାମଲା ମଧ୍ୟରୁ ୩୩୭ଟି ଫେସବୁକରେ ଏବଂ ୭ଟି ଇନଷ୍ଟାଗ୍ରାମରେ ଦେଖିବାକୁ ମିଳିଥିଲା। ଗୁରୁତ୍ୱପୂର୍ଣ୍ଣ ରଣନୀତିର ଆସୋସିଏଟ୍ ଡାଇରେକ୍ଟର ବୈଶାଖୀ ମଲିକ୍ କହିଛନ୍ତି ଯେ ତମାଖୁ ଉତ୍ପାଦର ମାର୍କେଟିଂରେ ଫେସବୁକର ପ୍ରାଧାନ୍ୟ ଦେଖି ଆଶ୍ଚର୍ଯ୍ୟ ହୋଇଗଲି।
ଦେଶରେ ରହିଛନ୍ତି ୭୩ ମିଲିୟନ ବିଡି ବ୍ୟବହାରକାରୀ
ଭାରତର ୨୬୭ ମିଲିୟନ ତମାଖୁ ବ୍ୟବହାରକାରୀଙ୍କ ମଧ୍ୟରୁ ପ୍ରାୟ ୭୨ ମିଲିୟନ୍ ବୟସ୍କ ବ୍ୟକ୍ତି ବିଡି ବ୍ୟବହାର କରିଥାନ୍ତି। ୭୨ ମିଲିୟନରୁ ଅଧା ବିଡି ବ୍ୟବହାରକାରୀ ହଉଛନ୍ତି ତାଙ୍କର ୧୦ ବର୍ଷ ପୂର୍ବରୁ ହିଁ ବିଡି ପିଇବା ଆରମ୍ଭ କରିଦେଇଥିଲେ। ଏହାର କାରଣ ହେଉଛି ସିଗାରେଟ ଠାରୁ ବହୁ ଶସ୍ତା ହେଉଛି ବିଡି। ଭାରତରେ ସିଗାରେଟାରୁ ୮ ଗୁଣା ଅଧିକା ବିଡି ବିକ୍ରି କରାଯାଇଥାଏ।
