ରୋମାନିଆରୁ ମୁମ୍ବାଇରେ ପହଞ୍ଚିଲା ବିମାନ, ଫେରିଲେ ୨୧୯ ଭାରତୀୟ

ନୂଆଦିଲ୍ଲୀ: ୟୁକ୍ରେନରେ ଫସିଥିବା ଭାରତୀୟ ସ୍ୱଦେଶ ଫେରିଲେ । ଶନିବାର ଦିନ ଏୟାର ଇଣ୍ଡିଆର ଏକ ବିମାନ ରୋମାନିଆର ବୁଖାରେଷ୍ଟରୁ ଭାରତୀୟ ଯାତ୍ରୀଙ୍କୁ ନେଇ ମୁମ୍ବାଇ ଫେରିଛି । ସେହିପରି ଶନିବାର ସକାଳେ ଆଉ ଏକ ବିମାନ ମୁମ୍ବାଇରୁ ବୁଖାରେଷ୍ଟ ସହରକୁ ଯାଇଥିଲା । ଯେଉଁଥିରେ ୪୭୦ ଜଣ ଛାତ୍ରଛାତ୍ରୀଙ୍କୁ ଭାରତ ଅଣାଯାଉଛି । ଏହା ବ୍ୟତୀତ ଅନ୍ୟ ଏକ ଫ୍ଲାଇଟ୍ ହଙ୍ଗେରୀରୁ ଦିଲ୍ଲୀ ଆସିବ ।

Welcome back to the motherland!

Glad to see the smiles on the faces of Indians safely evacuated from Ukraine at the Mumbai airport.

Govt. led by PM @NarendraModi ji is working relentlessly to ensure safety of every Indian. pic.twitter.com/fjuzjtNl9r

— Piyush Goyal (मोदी का परिवार) (@PiyushGoyal) February 26, 2022

ତେବେ ଭାରତ ସରକାରଙ୍କ ନିୟମ ମୁତାବକ ସମସ୍ତ ଅନ୍ତରାଷ୍ଟ୍ରୀୟ ଯାତ୍ରୀଙ୍କର ବିମାନବନ୍ଦରରେ ଯାଞ୍ଚ କରାଯିବ । ଯାତ୍ରୀଙ୍କର ଭ୍ୟାକ୍ସିନ୍ ଡୋଜ୍ ତଥା ଆରଟିପିସିଆର୍ ରିପୋର୍ଟ ମଧ୍ୟ ଯାଞ୍ଚ କରାଯିବ। ଏହା ପୂର୍ବରୁ ଶୁକ୍ରବାର ଦିନ ଭାରତୀୟ ବେଦୖେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ଯେ ୟୁକ୍ରେନରେ ଫସିଥିବା ଭାରତୀୟଙ୍କୁ ପୋଲାଣ୍ଡ ଓ ହଙ୍ଗେରି ରାସ୍ତା ଦେଇ ଅଣାଯିବ ।

#WATCH | Union Minister Piyush Goyal welcomes the Indian nationals safely evacuated from Ukraine at Mumbai airport pic.twitter.com/JGKReJE1ct

— ANI (@ANI) February 26, 2022

ମୁମ୍ବାଇରେ ପହଞ୍ଚିବା ପରେ କେନ୍ଦ୍ର ମନ୍ତ୍ରୀ ପିୟୁଷ ଗୋଏଲ୍ ସମସ୍ତ ଯାତ୍ରୀଙ୍କୁ ସ୍ୱାଗତ କରିଛନ୍ତି।

ଅଧିକ ପଢନ୍ତୁ- ଭାରତ ଅଭିମୁଖେ ଏୟାର ଇଣ୍ଡିଆ ବିମାନ, ଫେରୁଛନ୍ତି ୟୁକ୍ରେନରେ ଫସିଥିବା ଭାରତୀୟ