ସୋମାଲିଆ ଜଳଦସ୍ୟୁଙ୍କ କବଳରୁ ୧୭ ଜଣଙ୍କୁ ଉଦ୍ଧାର କଲା ଭାରତୀୟ ନୌସେନା

ନୂଆଦିଲ୍ଲୀ: ଭାରତ ମହାସାଗରରେ ଦମ ଦେଖାଇଲା ଭାରତର ନୌସେନା । ୪୦ ଘଣ୍ଟାର ଅପରେସନ ପରେ ସୋମାଲିଆ ଜଳଦସ୍ଯୁଙ୍କ କବଳରୁ ୧୭ ଯାତ୍ରୀଙ୍କୁ ମୁକୁଳାଇଲେ ଭାରତୀୟ ବରୀ ଯବାନ ।

ଗତ ଡିସେମ୍ବର ୧୪ ତାରିଖରେ ଭାରତ ମହାସାଗରରେ କାର୍ଗୋ ଭେସେଲ ରୁଏନକୁ ସୋମାଲିଆ ଜଳଦସ୍ୟୁମାନେ ଅପହରଣ କରି ନେଇଥିଲେ । ଜାହାଜରେ ଥିବା ଯାତ୍ରୀଙ୍କୁ ମୁକୁଳାଇବା ଲାଗି ଆଇଏନଏସ କୋଲକାତା ପ୍ରାୟ ୨୬ ଶହ କିଲୋମିଟର ଯାତ୍ରା କରିଥିଲା । ଏଥିରେ ଡ୍ରୋନ, ବିମାନ, ମାରିନ କମାଣ୍ଡୋ ସେମିଲ ହୋଇଥିଲେ । ଭାରତୀୟ ଜାହାଜକୁ ଦେଖିବା ପରେ ସୋମାଲିଆ ଜଳଦସ୍ଯୁ ନୌସେନା ଉପରକୁ ଗୁଳିମାଡ଼ କରିଥିଲେ । ଯାହାର ପାଲଟା ଜବାବ ଦେଇଥିଲେ ନୌସେନା କମାଣ୍ଡୋ । ଆଇଏନଏସ କୋଲକାତା ସହ ଯାଇଥିବା ଆଇଏନଏସ ସୁଭଦ୍ରା, ହାଲେ ଆରପିଏ ଡ୍ରୋନ, ପି୮୧ ମାରିଟାଇମ ପାଟ୍ରୋଲ ଏୟାରକ୍ରାଫ୍ଟ ଆଦି ଏହି ଅପରେସନରେ ସାମିଲ ହୋଇଥିଲେ ।