ଜରୁରୀକାଳୀନ ଅବତରଣ କଲା ଭାରତୀୟ ନୌସେନାର ହେଲିକପ୍ଟର, ୩ କର୍ମଚାରୀ ସୁରକ୍ଷିତ ଉଦ୍ଧାର

ନୂଆଦିଲ୍ଲୀ : ଭାରତୀୟ ନୌସେନାର ଏକ ହେଲିକପ୍ଟର ଆଜି ମୁମ୍ବାଇ ସମୁଦ୍ର ଉପକୂଳରେ ଜରୁରୀ ଅବତରଣ କରିଛି । ଏହି ଘଟଣା ପରେ ଉଦ୍ଧାରକାରୀ ଦଳ ସେଠାରେ ପହଞ୍ଚି ହେଲିକପ୍ଟରରେ ଥିବା ୩ଜଣ କର୍ମଚାରୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି ।

ଏହି ଆଧୁନିକ ଲାଇଟ୍ ହେଲିକପ୍ଟର (ଏଲଏଲଏଚ୍) ନିୟମିତ ଉଡାଣ ଭରି ସମୁଦ୍ର ତଟରେ ଅବତରଣ କରିଥିଲା । ହେଲେ ଏହା ଜରୁରୀ ଅବତରଣ କରୁଥିବା ଜାଣିବା ପରେ ନୌସେନା ପକ୍ଷରୁ ହେଲିକପ୍ଟରରେ ଥିବା ୩ଜଣ କର୍ମଚାରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା । ସେପଟେ ଏହି ଘଟଣାର ଯାଞ୍ଚ ନିର୍ଦ୍ଦେଶ ମଧ୍ୟ ଦିଆଯାଇଛି ।