ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତର ପଦକ ବର୍ଷା: ଟ୍ରିପଲ ଜମ୍ପରେ ମିଳିଲା ଦୁଇଟି ପଦକ

ବର୍ମିଂହାମ: ୨୨ତମ ରାଜ୍ୟଗୋଷ୍ଠୀ କ୍ରୀଡ଼ାର ୧୦ମ ଦିନରେ ଭାରତର ମେଡାଲ ବର୍ଷା ଦେଖିବାକୁ ମିଳିଛି । ଟ୍ରିପଲ ଜମ୍ପରେ ଭାରତକୁ ଦୁଇଟି ପଦକ ମିଳଛି । ଟ୍ରିପଲ ଜମ୍ପରେ ଭାରତୀୟ ପ୍ରଥମଥର ପ୍ରଥମ ଓ ଦ୍ୱିତୀୟ ସ୍ଥାନରେ ରହି ପଦକ ହାତେିଛନ୍ତି ।  ବକ୍ସିଂରେ ଦୁଇଟି ସ୍ୱର୍ଣ୍ଣ ପରେ ଏବେ ତ୍ରିପଲ ଜମ୍ପ ପ୍ରତିଯୋଗିତାରେ ଦୁଇଟି ପଦକ ଭାରତକୁ ମିଳିଛି । ଭାରତର ଏଲଡୋସ ପଲ ୧୭.୦୩ ମିଟର ଜମ୍ପ ସହ ସ୍ୱର୍ଣ୍ଣ ପଦକ ଜିତିଛନ୍ତି । ସେହିପରି ଅବଦୁଲା ଅବୁବକାର ୧୭.୦୨ ମିଟର ଜମ୍ପ କରି ରୌପ୍ୟ ପଦକ ହାସଲ କରିଛନ୍ତି । ଏହି ଦୁଇ ଭାରତୀୟ ପ୍ରତିଯୋଗୀଙ୍କ ମଧ୍ୟରେ କେବଳ ୧ସେମି ଦୂରତା ରହିଥିଲା ।

ସେହିପରି ପ୍ରଭିନ ଚିତ୍ରାଭେଲ ସାମାନ୍ୟ ମିସ୍ କରି ପ୍ରତିଯୋଗିତାର ୪ର୍ଥ ସ୍ଥାନରେ ରହିଛନ୍ତି । ତୃତୀୟ ସ୍ଥାନରେ ବର୍ଲିନର ରାହ-ନାଇ ପରିଞ୍ଚିଫ ୧୬.୯୨ ମିଟର ଜମ୍ପ କରି ବ୍ରୋଞ୍ଜ ପଦକ ଜିତିଛନ୍ତି । ସେହିପରି ପରବିନ ବ୍ରୋଞ୍ଜଠାରୁ ମାତ୍ର ୩ସେମି ଦୂରରେ ରହି ଚତୁର୍ଥ ସ୍ଥାନରେ ରହିଛନ୍ତି । ଏହି ସ୍ୱର୍ଣ୍ଣ ସହ ଭାରତର ମୋଟ ସ୍ୱର୍ଣ୍ଣ ସଂଖ୍ୟା ୧୬ରେ ପହଞ୍ଚିଛି । ଏବେ ଭାରତ ମେଡାଲ ଟାଲିର ୫ମ ସ୍ଥାନରେ ରହିଛି । ମୋଟ ମେଡାଲ ସଂଖ୍ୟା ୪୫କୁ ବୃଦ୍ଧି ପାଇଛି । ଏଥିରେ ୧୬ ସ୍ୱର୍ଣ୍ଣ ବ୍ୟତୀତ ୧୨ ରୌପ୍ୟ ଓ ୧୭ ବ୍ରୋଞ୍ଜ ପଦକ ରହିଛି ।