ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ, ଜଣେ ଯବାନ ସହିଦ

1 min read
Jammu Kashmir Security Forces Want Full Body Truck Scanners After Nagrota Encounter

ଶ୍ରୀନଗର: ପାକିସ୍ତାନ ପକ୍ଷରୁ ପୁଣି ଅସ୍ତ୍ରବିରତି ଉଲ୍ଲଂଘନ ଯୋଗୁଁ  LOCରେ ଉତ୍ତେଜନା ଦେଖାଦେଇଛି। ଏପରିକି ପାକିସ୍ତାନୀ ସେନା ଗୁଳିରେ ଜଣେ ଭାରତୀୟ ଯବାନ ସହିଦ ହୋଇଛନ୍ତି ।

ସହିଦ ସିପାହୀ ରାଜସ୍ଥାନ ଯୋଧପୁରର ଲକ୍ଷ୍ମଣ ବୋଲି ଜଣାପଡ଼ିଛି ।

ଜମ୍ମୁ-କଶ୍ମୀରର ରଜୌରୀ ଜିଲ୍ଲାରେ ପାକିସ୍ତାନର ଅସ୍ତବିରତି ଉଲ୍ଲଂଘନ ଯୋଗୁ ଜଣେ ଯବାନ ସହିଦ ହୋଇଥିବା ସୂଚନା ମିଳିଛି। ସୀମାରେ ପାକିସ୍ତାନ ସେନା ପ୍ରଥମେ ଗୁଳି ଚାଳନା କରିଥିଲେ । ଭାରତୀୟ ଯବାନ ମାନଙ୍କ ପକ୍ଷରୁ ମଧ୍ୟ ପାକିସ୍ତାନର ଏଭଳି କାମର କଡ଼ା ମୁକାବିଲା କରା ଯାଇଥିଲା । ହେଲେ ଏହି ସମୟରେ ଯବାନ ଲକ୍ଷ୍ମଣ ଗୁରୁତର ଆହତ ହୋଇଥିଲେ । ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା ।

ପ୍ରତିରକ୍ଷା ବିଭାଗର ସୂଚନା ଅନୁଯାୟୀ ବୁଧବାର ଦିନ ପାକିସ୍ତାନ ପକ୍ଷରୁ ରଜୌରୀ ଜିଲ୍ଲାର ସୁନ୍ଦରବନୀ ସେକ୍ଟରର ଏଲଓସିରେ ମୋର୍ଟାରରେ ଗୁଳିମାଡ ଆରମ୍ଭ କରାଯାଇଥିଲା । ଏହି ଗୁଳି ମାଡରେ ଭାରତୀୟ ସେନାର ଜଣେ ଯବାନ ସହିଦ ହୋଇଛନ୍ତି ।

ତେବେ ନିୟନ୍ତ୍ରଣ ରେଖାରେ ପାକିସ୍ତାନର ଅସ୍ତ୍ର ବିରତି ଉଲ୍ଲଂଘନ ଯୋଗୁ ଚଳିତ ବର୍ଷ ୪ ଯବାନ ସହିଦ ହୋଇଥିବା ସୂଚନା ଦେଇଛି ପ୍ରତିରକ୍ଷା ମନ୍ତ୍ରଣାଳୟ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.