ନୂଆଦିଲ୍ଲୀ: ଗଲୱାନ ଘାଟିରେ ଚୀନ୍ ସେନା ସହ ହୋଇଥିବା ସଂଘର୍ଷର ଏକ ବର୍ଷ ପରେ ଭାରତୀୟ ସେନା ଏକ ଭିଡିଓ ଜାରି କରିଛି । ‘ଗଲୱାନ୍ କେ ବୀର୍’ ନାମରେ ଜାରି କରାଯାଇଥିବା ଏହି ଭିଡିଓରେ ଭାରତୀୟ ଯବାନମାନଙ୍କର ବୀରତ୍ୱର କାହାଣୀ ରହିଛି । ୪ ମିନିଟ୍, ୫୯ ସେକେଣ୍ଡର ଏହି ଭିଡିଓରେ ଭାରତୀୟ ସେନାର ପାରାକ୍ରମକୁ ଦର୍ଶାଯାଇଛି । ଏହି ଭିଡିଓରେ ପ୍ରସିଦ୍ଧ ଗାୟକ ହରିହରନ୍ ନିଜର ସ୍ୱର ଦେଇଛନ୍ତି। ସୂଚନା ଯୋଗ୍ୟ ଯେ, ଗଲୱାନ ଘାଟିରେ ହୋଇଥିବା ସଂଘର୍ଷରେ ଭାରତର ୨୦ ଜଣ ଯବାନ ସହିଦ ହୋଇଥିବାବେଳେ ଚୀନ୍ର ୪୦ରୁ ଅଧିକ ଯବାନ ନିହତ ହୋଇଥିଲେ।
#WATCH Indian Army releases a video on the first anniversary of the Galwan Valley clash in which 20 Indian soldiers were killed while fighting Chinese aggression pic.twitter.com/ykJhcXrgxg
— ANI (@ANI) June 15, 2021
ଏହି ଗୀତରେ ସୀମାର ଦୁର୍ଗମ ପରିସ୍ଥିତିର ସାମ୍ନା କରୁଥିବା ଯବାନ ସମସ୍ତ ଆଧୁନିକ ଅସ୍ତ୍ରଶସ୍ତ୍ର ଏବଂ ଭାରତୀୟ ଯବାନଙ୍କର ବୀରତ୍ୱ ଏବଂ ପରାକ୍ରମକୁ ଦେଖାଯାଇଛି । ବରଫର ମୋଟା ଚାଦର ତଳେ ଅତି ନିମ୍ନ ତାପମାତ୍ରାରେ କାର୍ଯ୍ୟରତ ଯବାନ କିଭଳି ବୀରତ୍ୱ ଓ ସାହସିକତାର ସହ ଶତ୍ରୁମାନଙ୍କୁ ସାମ୍ନା କରନ୍ତି ଏବଂ ଗୀତର ଶେଷରେ, ଗାଲୱାନରେ ସହିଦ ହୋଇଥିବା ଯବାନଙ୍କ ନାମ ଏବଂ ସେମାନଙ୍କ ଚିତ୍ର ପ୍ରଦର୍ଶିତ ହୋଇଛି ।
ପାଞ୍ଚ ଦଶନ୍ଧି ମଧ୍ୟରେ ଘାତକ ସଂଘର୍ଷ
ପ୍ରାୟ ପାଞ୍ଚ ଦଶନ୍ଧି ମଧ୍ୟରେ ଗତ ବର୍ଷ ଜୁନ୍ ୧୫ରେ, ଗଲୱାନ୍ ଘାଟିର ସୀମାନ୍ତ ଅଞ୍ଚଳରେ ଘଟିଥିବା ସଂଘର୍ଷରେ ୨୦ଜଣ ଭାରତୀୟ ଯବାନ ସହିଦ ହୋଇଥିଲା । ଏହାପରେ ଦୁଇ ଦେଶର ଯବାନଙ୍କ ମଧ୍ୟରେ ବିଭିନ୍ନ ସ୍ଥାନରେ ଅସ୍ତ୍ରଶସ୍ତ୍ର ସମେତ ନିୟୋଜିତ ହୋଇଥିଲେ ।
