ଭାରତୀୟ ସେନାର ମିଶନ କାଶ୍ମୀର, ନିର୍ଦ୍ଦେଶ ମିଳିଲେ ତୁରନ୍ତ କାର୍ଯ୍ୟାନୁଷ୍ଠାନ

ନୂଆଦିଲ୍ଲୀ: ଯେକୌଣସି ମୁହୁର୍ତ୍ତରେ ପିଓକେ ବା ପାକିସ୍ତାନ ଅଧିକୃତ କାଶ୍ମୀରକୁ କବଜା କରିବ ଭାରତୀୟ ସେନା । ସେନା ସମ୍ପୂର୍ଣ୍ଣ ରୂପେ ପ୍ରସ୍ତୁତ ଥିବାବେଳେ କେନ୍ଦ୍ର ସରକାରଙ୍କ ନିର୍ଦ୍ଦେଶ ମିଳିଲେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ  । ଏନେଇ ସୂଚନା ଦେଇଛନ୍ତି ଭାରତୀୟ ସେନାର ଉତ୍ତର କମାଣ୍ଡରେ ଅବସ୍ଥିତ ଲେଫ୍ଟନେଣ୍ଟ ଜେନେରାଲ ଉପେନ୍ଦ୍ର ଦ୍ୱିୱେଦି ।

ଭାରତୀୟ ସେନା କେବେ ବି ଅସ୍ତ୍ରବିରତି ନିୟମ ଉଲଘଂନ କରିନଥିବା ବେଳେ ପାକିସ୍ତାନ ବାରମ୍ବାର ନିୟମ ଉଲଘଂନ କରିଛି। ଯାହାର ଜବାବ ଭାରତୀୟ ସେନା ଜୋରଦାର ଦେବ ବୋଲି ଉପେନ୍ଦ୍ର ଦିଓ୍ବେଦି କହିଛନ୍ତି । ପାକିସ୍ତାନ ଅଧିକୃତ କାଶ୍ମୀରରେ ଆତଙ୍କବାଦୀଙ୍କ ଗତିବିଧି ବଢୁଥିବା ବେଳେ ଭାରତୀୟ ସେନା ପ୍ରସ୍ତୁତ ହେଉଛି । ନିର୍ଦ୍ଦୋଷ କାଶ୍ମୀରୀଙ୍କ ଉପରେ ଅତ୍ୟାଚାର ସୀମା ଟପୁଥିବା ବେଳେ ଏହାର କଡା ଜବାବ ଦିଆଯିବ। ଭାରତୀୟ ସେନାର ଏଭଳି ଜବାବ ପରେ କାଶ୍ମୀରରେ ଏକ ପ୍ରକାର ହାଇଆଲର୍ଟ ଜାରି କରାଯାଇଛି ।