ଲଦାଖରେ ଅପରେସନ ପର୍ବତ ପ୍ରହାର, ଚୀନ୍କୁ ଚେକ୍ ଦେବ ଭାରତ
ଲଦାଖ: ଚୀନକୁ ଟକ୍କର ଦେବାକୁ ଲଦାଖରେ ବଡ଼ ପ୍ଲାନ୍ । ଅପରେସନ ପର୍ବତ ପ୍ରହାର ଅଭ୍ୟାସ ଆରମ୍ଭ କରିଛନ୍ତି ଭାରତୀୟ ଯବାନ । ଲଦାଖ ଗସ୍ତରେ ଥିବା ସ୍ଥଳସେନା ଅଧ୍ୟକ୍ଷ ଜେନେରାଲ ମନୋଜ ପାଣ୍ଡେ ଏହି ଅଭ୍ୟାସକୁ ଦେଖିବା ସହ ଯବାନଙ୍କୁ ଗୁରୁତ୍ବପୂର୍ଣ୍ଣ ପରାମର୍ଶ ଦେଇଛନ୍ତି । ଲଦାଖରେ ୧୪ ହଜାର ଫୁଟ୍ ଉପରେ ୫୦ ହଜାର ସେନା ପର୍ବତ ପ୍ରହାର ଅଭ୍ୟାସ ଜାରି ରଖିଛନ୍ତି ।
ଏହାର ଲକ୍ଷ୍ୟ ହେଲା ସୀମାରେ ଚୀନ ସେନା ପ୍ରବେଶ କଲା ମାତ୍ରେ ଏହି ଟିମ୍ ତୁରନ୍ତ ସେମାନଙ୍କୁ ଜବାବ ଦେବ । ଆସନ୍ତା ୨୦ ଦିନ ପର୍ଯ୍ୟନ୍ତ ଜାରି ରହିବ ଏହି ଅଭ୍ୟାସ । ଭାରତ ଚୀନ୍ ମଧ୍ୟରେ ସେନା ପ୍ରତ୍ୟାବର୍ତ୍ତନ ଚାଲିଥିବା ବେଳେ ଭାରତର ଯୋଜନା ବେଶ୍ ଗୁରୁତ୍ବବହନ କରୁଛି । ଏହି ଅଭ୍ୟାସ କରୁଥିବା ସେନା କୌଣସି କ୍ଷେତ୍ରରେ ବି ହାର ମାନିବେ ନାହିଁ ।
ଯେକୌଣସି ସ୍ଥିତିରେ ଶତ୍ରୁଙ୍କୁ ଉଚିତ୍ ଜବାବ ଦେବେ । ପାହାଡ ହେଉ କି ପର୍ବତ ସବୁଠି ଭାରତୀୟ ଯବାନ ସ୍ଥିତିକୁ ନିୟନ୍ତ୍ରଣ କରିବା ପାଇଁ ସକ୍ଷମ ହେବ ।
