ଲଦାଖରେ ନିଜ ଚାଲରେ ଫସିଲା ଚୀନ, ଭାରତ ରଚିଲା ଚକ୍ରବ୍ୟୁହ

ନୂଆଦିଲ୍ଲୀ: ସୀମାରେ ଭାରତ ସହ ଉତ୍ତେଜନାକୁ ଶାନ୍ତିପୂର୍ଣ୍ଣ କହି ଚୀନ ପ୍ରଚାର ପ୍ରସାର କରି ନିଜକୁ ଭଲ ବୋଲି ପ୍ରମାଣିତ କରିବାକୁ ଚେଷ୍ଟା କରୁଛି । ଏବେ ଭାରତୀୟ ସେନା ଚୀନର ଚାଲରେ ଚୀନକୁ ମାତ୍ ଦେବାକୁ ବଡ଼ ପ୍ରସ୍ତୁତି ଆରମ୍ଭ କରୁଛନ୍ତି । ଭାରତୀୟ ସେନା ଚୀନର ଯୁଦ୍ଧ ମାନୁଆଲକୁ ଦେଖିବା ସହ ଡ୍ରାଗନର କୌଣସି ବି ପଦକ୍ଷେପକୁ ବିଫଳ କରିବା ଲାଗି ଲଦାଖରେ ‘ଟନଲ ଡିଫେନ୍ସ’ ମୁତୟନ କରିଛି । ଚୀନ୍ ସେନା ଜାପାନ ବିରୋଧୀ ଦ୍ୱିତୀୟ ଯୁଦ୍ଧ ବେଳେ ଏହି ସୂତ୍ର ଆପଣାଇଥିଲା ।

PLAର ପ୍ରସ୍ତୁତି

ଦାବି କରାଯାଉଛି- PLA ଲହାସା ଏୟାରବେସରେ ଏୟାରକ୍ରାଫ୍ଟ ମୁତୟନ କରିବା ଲାଗି ଟନଲ ତିଆରି କରୁଛି । ଏବଂ ଦକ୍ଷିଣ ଚୀନ ସାଗରରେ ଆଣବିକ ବାଲିଷ୍ଟିକ ସବମରିନ୍ ରଖିବା ଲାଗ ହୈନାନା ଟାପୁରେ ସୁଡ଼ଙ୍ଗ କରୁଛି । ବରିଷ୍ଠ ସେନା କମାଣ୍ଡରଙ୍କ ଅନୁସାରେ- ଭାରତୀୟ ସେନା ବଡ଼ ଡାୟମିଟରକୁ ହ୍ୟୁମ୍ କଙ୍କ୍ରିଟ୍ ପାଇପ୍ ଟନଲରେ ଲଗାଇଛନ୍ତି । ଏହାଦ୍ୱାରା ଶତ୍ରୁର ଆକ୍ରମଣରୁ ସେନାକୁ ରକ୍ଷା କରି ପାଲଟା ଆକ୍ରମଣ କରାଯାଇ ପାରିବ ।

ପାଇପ୍ କଣ ପାଇଁ ଖାସ୍ ?

ଏହି ପାଇପ୍ସ (ହ୍ୟୁମ୍ ରିଇନଫୋର୍ସଡ୍ କଙ୍କ୍ରିଟ୍ ପାଇପ୍ସ)ର ଡାୟମିଟର ୬ରୁ ୮ ଫୁଟ୍ ହୋଇଥାଏ । ଏହାକୁ ଦେଇ ସୈନିକ ଅଣ୍ଡରଗ୍ରାଉଣ୍ଡରେ ଗୋଟିଏ ଜାଗାରୁ ଅନ୍ୟ ସ୍ଥାନକୁ ପହଞ୍ଚିଥାନ୍ତି । ଏହାଦ୍ୱାରା ସୈନିକ ଶତ୍ରୁ ଆକ୍ରମଣ (ଫାୟାରିଂ)ରୁ ବର୍ତ୍ତିଥାନ୍ତି । ଏହି ଟନଲକୁ ଗରମ କରାଯାଇ ପାରିବ । ଏବଂ ଏହାକୁ ଥଣ୍ଡା ସ୍ଥାନରେ ବରଫ ବର୍ଷାରୁ ରକ୍ଷା ପାଇବା ଲାଗି ସୈନିକ ବ୍ୟବହାର କରିପାରିବେ ।

ପାହାଡ଼ ଅଞ୍ଚଳରେ ଉତ୍ତେଜନା

ଭାରତ ଓ ଚୀନ ମଧ୍ୟରେ ଦୀର୍ଘ ଦିନ ଧରି ଲାଗି ରହିଥିବା ସୀମା ବିବାଦ ଚଳିତବର୍ଷ ମେ ମାସରେ ପୁଣିଥରେ ବିସ୍ଫୋରକ ରୂପ ନେଇଥିଲା । ପୂର୍ବ ଲଦାଖର ଗଲବାନ ଘାଟିରେ ଦୁଇ ଦେଶର ସେନା ମୁହାଁମୁହିଁ ହୋଇଥିଲେ । ଏବେ ଯାଏଁ ସେଠାରେ ଦୁଇ ଦୁଇ ଥର ହିଂସାତ୍ମକ ଆକ୍ରମଣ ହୋଇସାରିଲାଣି । ଦୁଇ ଦେଶର ସୈନ୍ୟ ଓ କୂଟନୀତିକ ବୈଠ କରି ସମାଧାନ ଲାଗି ଚେଷ୍ଟା ଜାରି ରଖିଛନ୍ତି । ଅନ୍ୟପଟେ, ସିକ୍କିମରୁ ନେଇ ଅରୁଣାଚଳ ପ୍ରଦେଶ ଯାଏଁ ଚୀନ ବିପଦ ସୃଷ୍ଟି କରି ଚାଲିଛି ।