ଭାରତୀୟ ବାୟୁସେନାର ରଙ୍ଗାରଙ୍ଗ ଏୟାର ସୋ’

ମଧ୍ୟପ୍ରଦେଶ: ମଧ୍ୟପ୍ରଦେଶ ଭୋପାଳରେ ଭାରତୀୟ ବାୟୁସେନାର ରଙ୍ଗାରଙ୍ଗ ଏୟାର ସୋ । ଭାରତୀୟ ବାୟୁସେନାର ୯୧ତମ ବାର୍ଷିକୀ ଅବସରରେ ଏହି ସୋ ଅନୁଷ୍ଠିତ ହୋଇଛି । ଭୋପାଳର ଭୋଜତାଲ ଲେକରେ ଏହି ସୋ ଆୟୋଜିତ ହୋଇଛି । ଶହ ଶହ ଦର୍ଶକ ଏହି ସୋ’କୁ ଉପଭୋଗ କରିଛନ୍ତି । ଏହି ସୋରେ ଏସୟୁ ୩୦ ସମେତ ଅନ୍ୟାନ୍ୟ ବିମାନ ନିଜ ନିଜର ରଣକୌଶଳ ପ୍ରଦର୍ଶନ କରିଛନ୍ତି । ଅଧିକ ସଂଖ୍ୟକ ଦର୍ଶକ ଯେପରି ଏହି ସୋକୁ ଉପଭୋଗ କରିପାରିବେ ସେଥିଲାଗି ବ୍ୟାପକ ବ୍ୟବସ୍ଥା କରାଯାଇଥିଲା । ଆକାଶମାର୍ଗରେ ବାୟୁସେନା ବିଭାଗର ରଣକୌଶଳ ସମସ୍ତଙ୍କୁ କରିଥିଲା ଅଭିଭୂତ । ଅତି ଉଚ୍ଚରେ ବାୟୁସେନା ବିମାନଗୁଡିକର ପ୍ରଦର୍ଶନ ଥିଲା ଉଚ୍ଚକୋଟୀର । ଏହି ଏୟାରସୋରେ ଏସୟୁ-୩୦, ମିରାଜ ୨୦୦୦, ଜାଗୁଆର, ଏଲସିଏ ତେଜସ, ହକ, ସୂର୍ଯ୍ୟକିରଣ, ଚିନୁକ, ଏମଆଇ ୧୭ ଭି ୫, ଚେତକ ଆଦି ବିମାନ ନିଜ ନିଜର ରଣ କୌଶଳ ପ୍ରଦର୍ଶନ କରିଥିଲେ ।