ଭାରତରେ ପହଞ୍ଚିଥିଲା କୁଏତ ମୃତ ବ୍ୟକ୍ତିଙ୍କ ମୃତଦେହ
1 min read
ନୂଆଦିଲ୍ଲୀ : ଭାରତରେ ପହଞ୍ଚିଲା କୁଏତ ଅଘଟଣରେ ମୃତ୍ୟୁ ହୋଇଥିବା ବ୍ୟକ୍ତିଙ୍କ ମୃତଦେହ । କୋଚିରେ ଅବତରଣ କଲା ବାୟୁସେନାର ସ୍ଵତନ୍ତ୍ର ବିମାନ C -17 । ଏଠାରୁ ପୁଣି ନିଜ ନିଜ ଜନ୍ମମାଟି ଅଭିମୁଖେ ଯିବା ମୃତଦେହ ।
କୁଏତ ଅଗ୍ନିକାଣ୍ଡ ଘଟଣାରେ ମୋଟ ୪୯ ମୃତକଙ୍କ ମଧ୍ଯରୁ ୪୫ ଜଣ ହେଉଛନ୍ତି ଭାରତୀୟ। କେରଳର ୨୪ଜଣ ମୃତକ ରହିଛନ୍ତି। ଅଘଟଣ ତଦନ୍ତ ଓ ମୃତଦେହ ସ୍ବଦେଶ ଫେରାଇ ଆଣିବାକୁ ସମସ୍ତ ବ୍ୟବସ୍ଥା କରିଥିଲେ କେନ୍ଦ୍ର ସରକାର ।
ଏନେଇ କୁଏତ ଯାଇଥିଲେ ବୈଦେଶିକ ରାଷ୍ଟ୍ରମନ୍ତ୍ରୀ କୀର୍ତ୍ତି ବର୍ଦ୍ଧନ ସିଂହ। ଯେଉଁଠି ଆହତଙ୍କୁ ଚିକିତ୍ସା କରାଯାଉଛି, ସେହି ହସପିଟାଲକୁ ଯାଇ ଆହତଙ୍କୁ ଭେଟିଥିଲେ କୀର୍ତ୍ତି ବର୍ଦ୍ଧନ ସିଂହ । ଲୋକେ ଶୋଇଥିବା ବେଳେ ବିଲଡିଂରେ ନିଆଁ ଲାଗିଥିଲା। ତେଣୁ ସେମାନେ ବାହାରକୁ ବାହାରିବା ଆଗରୁ ନିଆଁର ଆଁରେ ପୋଡ଼ି ଯାଇଥିଲେ।
