ଉଗ୍ର ହେଉଛି ଦ୍ୱତୀୟ ଲହରୀ: ୨୪ ଘଣ୍ଟାରେ ୮୯ ହଜାରୁ ଅଧିକ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଥମୁନି କରୋନା ଆତଙ୍କ। ଉଗ୍ର ରୂପ ନେଉଛି କୋରୋନା ମହାମାରୀର ଦ୍ୱିତୀୟ ଲହରୀ । ଦେଶରେ ଦିନକୁ ଦିନ କୋରନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢୁଛି । ଗତ ୨୪ ଘଣ୍ଟାରେ ଦେଶରେ ଆଉ ୮୯ ହଜାର ୧୨୯ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।

ସେହିପରି ୪୪ ହଜାର ୨୦୨ ଆକ୍ରାନ୍ତ ସୁସ୍ଥ ହୋଇଥିବା ବେଳେ ୭୧୪ ଲୋକଙ୍କ ଜୀବନ ନେଇଛି ଏହି କିଲର ଭାଇରସ୍।  ନୂଆ ଆକ୍ରାନ୍ତଙ୍କୁ ମିଶାଇ ମୋଟ ସଂକ୍ରମିତଙ୍କ ସଂଖ୍ୟା ୧ କୋଟି ୨୩ ଲକ୍ଷ ୯୨ ହଜାର ୨୬୦ରେ ପହଞ୍ଚିଛି। ସେମଧ୍ୟରୁ ୧ କୋଟି ୧୫ ଲକ୍ଷ ୬୯ ହଜାର ୨୪୧ ଆକ୍ରାନ୍ତ ସୁସ୍ଥ ହୋଇଥିବା ବେଳେ, ୬ ଲକ୍ଷ ୫୮ ହଜାର ୯୦୯ ସକ୍ରିୟ ମାମଲା ରହିଛି।

ସେହିପରି କୋରନା ଯେଗୁ ମୋଟ ମୃତ୍ୟୁ ସଂଖ୍ୟା ୧ ଲକ୍ଷ ୬୪ ହଜାର ୧୧୦ରେ ପହଞ୍ଚିଛି । ସେପଟେ ଦେଶର ଟିକାକରଣ ଜାରି ଥିବା ବେଳେ, ଏବେ ସୁଦ୍ଧା ୭ କୋଟି ୩୦ ଲକ୍ଷ ୫୪ ହଜାର ୨୯୫ଜଣଙ୍କୁ ଦିଆଯାଇଛି ଟିକା।