ବ୍ୟାଡମିଣ୍ଟନରେ ଇତିହାସ ରଚିଲା ଭାରତ

ନୂଆଦିଲ୍ଲୀ: ଭାରତର ବ୍ୟାଡମିଣ୍ଟନ ଟିମ୍ ପ୍ରଥମ ଥର ପାଇଁ ସମ୍ମାନଜନକ ଥୋମାସ କପ୍ ଟାଇଟଲ୍ ଜିତି ଇତିହାସ ରଚିଛି । ଫାଇନାଲରେ ୧୪ ଥରର ଚାମ୍ପିଅନ ଇଣ୍ଡୋନେସିଆକୁ ୩-୦ରେ ମାତ୍ ଦେଇ ଚାମ୍ପିୟନ ହୋଇଛି ଭାରତ । ପ୍ରଥମ ଫାଇନାଲ ପଦାର୍ପଣରେ ହିଁ ଟାଇଟଲ ହାସଲ କରିଛି ଭାରତୀୟ ଦଳ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଐତିହାସିକ ବିଜୟ ପାଇଁ ଦଳକୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । କେନ୍ଦ୍ର କ୍ରୀଡା ମନ୍ତ୍ରାଳୟ ପକ୍ଷରୁ ଭାରତୀୟ ଦଳ ପାଇଁ କୋଟିଏ ଟଙ୍କା ପୁରସ୍କାର ଘୋଷଣା ହୋଇଛି ।