୧୪ ଥର ସଂଘର୍ଷରେ ଆଠ ଥର ଚମ୍ପିଆନ୍ ଭାରତ
1 min read
ଦୁବାଇ: ବିଶ୍ବକପର ବଦଲା ନେବା ଲକ୍ଷ୍ୟରେ ଟିମ୍ ଇଣ୍ଡିଆ । ୧୪ ଥର ସଂଘର୍ଷରେ ଆଠ ଥର ଚମ୍ପିଆନ୍ ହୋଇଛି ଭାରତ । ଏପଟେ ୧୦୦ତମ ଟ୍ବେଣ୍ଟି ୨୦ ମ୍ୟାଚ୍ ଖେଳିବେ ବିରାଟ କୋହଲି । ଅନେକ ଦିନର ବ୍ୟବଧାନ ପରେ ବିରାଟଙ୍କ ପ୍ରଦର୍ଶନ ଦେଖିବାକୁ ପାଇବେ ଦର୍ଶକ । ସେପଟେ ଉଭୟ ଦଳରୁ ବାଦ ପଡିଛନ୍ତି ଆହତ ଭାରତର ଯଶପ୍ରିତ ବୁମରା ଓ ପାକିସ୍ତାନ ଦ୍ରୁତ ବୋଲର ସାହିନ୍ ଆଫ୍ରିଦି । ପାକିସ୍ତାନ ଟିମକୁ ଟକ୍କର ଦେବ ଭାରତୀୟ ଟିମର୍ ସୁପର ଇଲେଭେନ୍ ।
ପାକିସ୍ତାନ ବିପକ୍ଷରେ ୧୦୦ତମ ଟ୍ବେଣ୍ଟି ୨୦ ମ୍ୟାଚ୍ ଖେଳିବେ ବିରାଟ କୋହଲି । କ୍ୟାପ୍ଟେନ ରୋହିତ ଶର୍ମାଙ୍କ ଅଧିନାୟକତ୍ବରେ ଭାରତ ଖେଳିବ ମ୍ୟାଚ । ଏସିଆ କପରେ ଭାରତ ଓ ପାକିସ୍ତାନ ମଧ୍ୟରେ ଏପର୍ଯ୍ୟନ୍ତ ୧୪ ଥର ସଂଘର୍ଷ ହୋଇଛି । ଏଥିରେ ଆଠ ଥର ଭାରତ ପାକିସ୍ତାନକୁ ପରାଜିତ କରିବାରେ ସକ୍ଷମ ହୋଇଛି । ପାକିସ୍ତାନ ଏପର୍ଯ୍ୟନ୍ତ ମାତ୍ର ୫ଟି ମ୍ୟାଚ୍ ଜିତିଛି । ଗତବର୍ଷ ଟି-୨୦ ବିଶ୍ବକପରେ ପ୍ରଥମ ଥର ପାଇଁ ପାକିସ୍ତାନ ଭାରତକୁ ପରାସ୍ତ କରିଥିଲା ।
