ଚୀନ ପୂର୍ବରୁ ଭାରତ ସୀମାରୁ ସୈନ୍ୟ ପ୍ରତ୍ୟାହାର କରିବନାହିଁ: ରାଜନାଥ ସିଂହ
ନୂଆଦିଲ୍ଲୀ: ପୂର୍ବ ଲଦାଖ୍ରେ ଚୀନ ଏବଂ ଭାରତୀୟ ସେନା ମଧ୍ୟରେ ତିକ୍ତତା ଜାରି ରହିଛି । ଏହାରି ମଧ୍ୟରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ ସ୍ପଷ୍ଟ କରିଛନ୍ତି ଯେ, ସୀମାରୁ ଭାରତ ସୈନ୍ୟ ପ୍ରତ୍ୟାହାର କରିବନାହିଁ । ଚୀନ ପକ୍ଷରୁ ସୈନ୍ୟ ପ୍ରତ୍ୟାହାର ପ୍ରକ୍ରିୟା ଆରମ୍ଭ କରାଯିବା ପରେ ହିଁ ଭାରତ ମଧ୍ୟ ଏ ଦିଗରେ କାର୍ଯ୍ୟ କରିବ । ତେବେ ଏଭଳି ଆଭିମୁଖ୍ୟ ସତ୍ତ୍ୱେ ଆଲୋଚନା ମଧ୍ୟରେ ସମସ୍ତ ସମସ୍ୟାର ସମାଧାନ ହେବ ବୋଲି ଆଶା ବ୍ୟକ୍ତ କରିଛନ୍ତି ।
ପ୍ରତିରକ୍ଷା ମନ୍ତ୍ରୀ ଏହା ମଧ୍ୟ କହିଛନ୍ତି ଯେ, ସୀମାରେ ଭାରତ ପକ୍ଷରୁ ଭିତ୍ତିଭୂମିର ବିକାଶ କରାଯାଉଛି । ଏ ଦିଗରେ ଭାରତ ପକ୍ଷରୁ ଆରମ୍ଭ କରାଯାଇଥିବା କିଛି ପ୍ରକଳ୍ପକୁ ମଧ୍ୟ ଚୀନ ପକ୍ଷରୁ ବିରୋଧ କରାଯାଇଥିବା ମଧ୍ୟ ଶ୍ରୀ ସିଂହ କହିଛନ୍ତି । ଜାତୀୟ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ସେ କହିଛନ୍ତି ଯେ, ସୈନିକଙ୍କ ସଂଖ୍ୟା ହ୍ରାସ କରାଯିବନାହିଁ । ଚୀନ ପକ୍ଷରୁ ସୈନ୍ୟଙ୍କ ସଂଖ୍ୟାରେ ହ୍ରାସ କରାନଯିବା ଯାଏଁ ଭାରତ ମଧ୍ୟ ନିଜ ସେନାବାହିନୀଙ୍କୁ ହଟାଇବନାହିଁ ।
ଏଥିସହିତ ପଢ଼ନ୍ତୁ: ଟ୍ରାକ୍ଟର ରାଲି ନେଇ ରାଜଭବନ ଯିବାକୁ ପ୍ରସ୍ତୁତ ହେଉଛନ୍ତି କୃଷକ
ଅପରପକ୍ଷରେ ଚୀନ ସହିତ ଭାରତର ଦ୍ୱିପାକ୍ଷିକ ସମ୍ପର୍କ ଗତ ୪ ଦଶକ ମଧ୍ୟରେ ସବୁଠାରୁ ନିମ୍ନସ୍ତରରେ ଥିବା ସେ ଆକଳନ କରିଛନ୍ତି ।
