ଇଣ୍ଡିଜ ଗସ୍ତରେ ଟିମ୍ ଇଣ୍ଡିଆ, ଆଜିଠୁ ଭାରତ-ଓ୍ୱେଷ୍ଟଇଣ୍ଡିଜ୍ ଦିନିକିଆ ଶୃଙ୍ଖଳା
1 min read
ନୂଆଦିଲ୍ଲୀ: ଇଂଲଣ୍ଡ ପରେ ଓ୍ୱେଷ୍ଟଇଣ୍ଡିଜ ଗସ୍ତରେ ଟିମ୍ ଇଣ୍ଡିଆ । ଆଜିଠୁ ଆରମ୍ଭ ଭାରତ-ଓ୍ୱେଷ୍ଟଇଣ୍ଡିଜ୍ ଦିନିକିଆ ଶୃଙ୍ଖଳା । ଶିଖର ଧାଓ୍ୱନଙ୍କ ନେତୃତ୍ୱରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । ଓ୍ୱେଷ୍ଟଇଣ୍ଡିଜରେ ୩ଟି ଦିନିକିଆ ୫ଟି ଟି-ଟ୍ୱେଣ୍ଟି ଖେଳିବ ମେନ ଇନ୍ ବ୍ଲୁ । ଏହି ୩ ଟିକିଆ ଦିନିକିଆ ସିରିଜର ଆଜି ହେଉଛି ପ୍ରଥମ ଦିନିକିଆ । ଭାରତୀୟ ସମୟ ସନ୍ଧ୍ୟା ୭ଟାରୁ ଆରମ୍ଭ ହେବ ଏହି ମ୍ୟାଚ୍ ।
ଭାରତୀୟ ଦଳରେ ଧାଓ୍ୱନ ଅଧିନାୟକ ଥିବାବେଳେ ୟୁଜବେନ୍ଦ୍ର ଚହଲ, ଶ୍ରେୟସ ଆୟର, ଆଭେଶ ଖାନ୍, ଈଶାନ କିଶନ ଏବଂ ମହମ୍ମଦ ସିରାଜଙ୍କୁ ସ୍ଥାନ ମିଳିଛି । ଇଂଲଣ୍ଡ ବିପକ୍ଷରେ ଟି-୨୦ ଓ ଦିନିକିଆ ସିରିଜ ଜିତି ଭାରତର ମନୋବଳ ଦୃଢ଼ ରହିଛି । ଆରମ୍ଭରୁ ମ୍ୟାଚ୍ ଜିତି ସିରିଜ ବିଜୟ ପାଇଁ ଆଗକୁ ପାଦ ବଢ଼ାଇବାକୁ ଉଦ୍ୟମ କରିବ ଧାଓ୍ୱନ ବାହିନୀ । ସେପଟେ ଭାରତକୁ ଜବାବ ଦେବା ପାଇଁ ରଣନୀତି କରିଛି ଓ୍ୱେଷ୍ଟଇଣ୍ଡିଜ୍ । ଆଜିଠୁ ଦିନିକିଆ ସିରିଜ ହେବାକୁ ଥିବାବେଳେ ଆସନ୍ତା ୨୯ ତାରିଖରୁ ଟି-୨୦ ଶୃଙ୍ଖଳା ଖେଳାଯିବ । ଟି-୨୦ରେ ଅଧିନାୟକ ଭାର ସମ୍ଭାଳିବେ ରୋହିତ ଶର୍ମା ।
