ସେଞ୍ଚୁରିୟନ ଅକ୍ତିଆର ପାଇଁ ଭାରତରକୁ ଦରକାର ୬ ଓ୍ବିକେଟ୍

ସେଞ୍ଚୁରିୟନ: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ସେଞ୍ଚୁରିୟନରେ ଚାଲିଥିବା ଟେଷ୍ଟ ଜିତିବାକୁ ଭାରତକୁ ଦରକାର ଆଉ ୬ ଓ୍ବିକେଟ୍ । ୩୦୫ ରନ୍ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଦକ୍ଷିଣ ଆଫ୍ରିକା ଚତୁର୍ଥ ଦିନ ଖେଳ ଶେଷ ସୁଦ୍ଧା ଦକ୍ଷିଣ ଆଫ୍ରିକା ୪ ଓ୍ବିକେଟ ହରାଇ ସଂଗ୍ରହ କରିଛି ୯୪ ରନ । ପଞ୍ଚମ ଦିନରେ ଦଳକୁ ବିଜୟ ପାଇଁ ୨୧୧ ରନ ଆବଶ୍ୟକ ଥିବା ବେଳେ ହାତରେ ଅଛି ୬ ଓ୍ବିକେଟ୍ ।

ଭାରତ ଓ ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟର ଦ୍ବିତୀୟ ଇନିଂସ‌ରେ ଭାରତ ମାତ୍ର ୧୭୪ ରନରେ ଅଲଆଉଟ ହୋଇଯାଇଥିଲା । ଦକ୍ଷିଣ ଆଫ୍ରିକାକୁ ୩୦୫ ରନର ଟାର୍ଗେଟ ମିଳିଛି । ପ୍ରଥମ ଇନିଂସରେ ଭାରତ ୩୨୭ ରନ କରି ଅଲଆଉଟ ହୋଇଯିବା ପରେ ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୧୯୭ ରନ କରିବାକୁ ସକ୍ଷମ ହୋଇଥିଲା । ଭାରତ ପକ୍ଷରୁ ପ୍ରଥମ ଇନିଂସରେ ଶତକୀୟ ପାଳି ଖେଳିଥିବା ଲୋକେସ ରାହୁଲ ଭଲ ଆରମ୍ଭ କରିଥିଲେ ସୁଦ୍ଧା ବଡ ସ୍କୋର କରିବାକୁ ସକ୍ଷମ ହୋଇନଥିଲେ । ଦ୍ବିତୀୟ ଇନିଂସରେ ୨୩ ରନ କରି ଆଉଟ ହୋଇଯାଇଥିବା ବେଳେ ମୟଙ୍କ ଅଗ୍ରଓ୍ବାଲ ୪, ଶାର୍ଦ୍ଦୁଳ ଠାକୁର ୧୦, ଚେତେଶ୍ବର ପୁଜାରା ୧୬, ବିରାଟ କୋହଲି ୧୮ କରି ଆଉଟ ହୋଇଥିଲେ ।