ଜିମ୍ବାଓ୍ବେକୁ ୪୨ ରନରେ ପରାସ୍ତ କଲା ଭାରତ
1 min read![](https://nandighoshatv.com/wp-content/uploads/2024/07/furkioj_india-bcci-x_625x300_14_July_24.webp)
ନୂଆଦିଲ୍ଲୀ : ହାରାରେ ସ୍ପୋର୍ଟସ କ୍ଲବଠାରେ ଖେଳାଯାଇଥିବା ପଞ୍ଚମ ଟି-୨୦ରେ ଜିମ୍ବାଓ୍ବେକୁ ୪୨ ରନରେ ପରାସ୍ତ କରିଛି ଭାରତ । ଏହାସହ ୫ ମ୍ୟାଚ ବିଶିଷ୍ଟ ସିରିଜକୁ ୪-୧ ରେ ଜିତି ନେଇଛି ଟିମ ଇଣ୍ଡିଆ । ଆଜି ଜିମ୍ବାୱେ ଟସ ଜିତ ଭାରତକୁ ବ୍ଯାଟିଂ ପାଇଁ ଆମନ୍ତ୍ରଣ କରିଥିଲା । ପ୍ରଥମ ବ୍ଯାଟିଂ କରି ୬ୱିକେଟ ହରାଇ ୧୬୭ ରନ ସଂଗ୍ରହ କରିଥିଲା ଭାରତ । ଦଳ ପକ୍ଷରୁ ସଞ୍ଜୁ ସାମସନ ସର୍ବାଧିକ ୫୮ ରନ କରିଥିଲେ ।
ଯଶସ୍ବୀ ଜୟସ୍ବାଲ ୧୨ ରନ ଓ ଶୁଭମନ ଗିଲ ୧୩ ରନ କରି ଆଉଟ ହୋଇଥିଲେ । ରିୟାନ ପରାଗ୍ ୨୨ ରନ ଓ ଶିବମ ଦୁବେ ୨୬ ଓ ରିଙ୍କୁ ସିଂ ୧୧ ରନ କରିଥିଲେ । ତେବେ ୧୬୮ ରନର ଲକ୍ଷ୍ୟର ପିଛା କରିବାକୁ ଯାଇ ଜିମ୍ବାଓ୍ବେ ୧୮ ଓଭର ୩ଟି ବଲରେ ସମସ୍ତ ୱିକେଟ ହରାଇ ୧୨୫ ରନ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ଡାୟନ ମାୟର୍ସ ୩୪ ରନ କରିଥିବାବେଳେ ଟାଡିଓ୍ବାନସେ ମାରୁମାନି ଓ ଫରାଜ ଆକ୍ରାମ ୨୭ ରନ ଲେଖାଏଁ କରିଥିଲେ ।