ଭାରତ ବନାମ ୱେଷ୍ଟଇଣ୍ଡିଜ୍ ଦ୍ୱିତୀୟ T20; ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଲା ଟିମ୍ ଇଣ୍ଡିଆ
1 min read
ନନ୍ଦିଘୋଷ ବ୍ୟୁରୋ: ୱେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟି-୨୦ରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଲା ଟିମ୍ ଇଣ୍ଡିଆ । ଦଳର ନେତୃତ୍ୱ ନେଉଛନ୍ତି ହାର୍ଦ୍ଦିକ ପାଣ୍ଡ୍ୟା । ଭାରତ କିଛି ଟା ପରିବର୍ତ୍ତନ ସହ ଆଜିର ମ୍ୟାଚ୍ ଖେଳିବାକୁ ଯାଉଛି । କୁଲଦୀପ ଯାଦବ ଆଘାତ କାରଣରୁ ଆଜିର ମ୍ୟାଚ୍ ଖେଳୁନାହାନ୍ତି । ତାଙ୍କ ସ୍ଥାନରେ ରବି ବିଷ୍ଣୋଇଙ୍କୁ ସୁଯୋଗ ମିଳିଛି । ୱେଷ୍ଟଇଣ୍ଡିଜ୍ ଦଳ ବିନା ପରିବର୍ତ୍ତନରେ ପଡ଼ିଆକୁ ଓହ୍ଲାଇଛି । ପ୍ରଥମ ମ୍ୟାଚ୍ ହାରିବା ପରେ ଭାରତ ନିଜର ବ୍ୟାଟିଂ ପ୍ରଦର୍ଶନରେ ଉନ୍ନତି ସହ ପ୍ରତ୍ୟାବର୍ତ୍ତନ କରିବାକୁ ଲକ୍ଷ୍ୟ ରଖିଛି ।
ସେହିପରି ଆଜିର ମ୍ୟାଚ୍ ଜିତି ସିରିଜରେ ଆଗୁଆ ରହିବା ପାଇଁ ପ୍ରୟାସ କରିବ ଘରୋଇ ୱେଷ୍ଟଇଣ୍ଡିଜ୍ । ୫ ମ୍ୟାଚ୍ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ୱେଷ୍ଟଇଣ୍ଡିଜ ୧-୦ରେ ଆଗୁଆ ରହିଛି । ଗତ ମ୍ୟାଚରେ ଭାରତୀୟ ଦଳରେ ଆଇପିଏଲର ତାରକା ଖେଳାଳି ଥିଲା ବେଳେ ଧିମା ପିଚରେ ଇଣ୍ଡିଜ୍ ବୋଲିଂକୁ ସାମ୍ନା କରିବାରେ ବିଫଳ ହୋଇଥିଲେ । ହେଲେ ଇଣ୍ଡିଜ୍ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ ସହ ମ୍ୟାଚ୍କୁ ୪ ରନରେ ଜିତିନେଇଥିଲା ।
ଭାରତୀୟ ଦଳ: ଇଶାନ କିଶନ (ୱିକେଟ କିପର), ଶୁବମନ ଗିଲ, ସୂର୍ଯ୍ୟକୁମାର ଯାଦବ, ତିଲକ ବର୍ମା, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ସଞ୍ଜୁ ସାମସନ, ଅକ୍ଷର ପଟେଲ, ଅର୍ଶଦୀପ ସିଂହ, ଯୁଜବେନ୍ଦ୍ର ଚହଲ, ମୁକେଶ କୁମାର, ରବି ବିଷ୍ଣୋଇ ।
ୱେଷ୍ଟଇଣ୍ଡିଜ୍ ଦଳ: ବ୍ରାଣ୍ଡନ କିଙ୍ଗ, କାଇଲ ମେୟର୍ସ, ଜନସନ ଚାର୍ଲସ, ନିକୋଲସ ପୂରନ (ୱିକେଟ କିପର), ରୋଭମ୍ୟାନ ପାଭେଲ (ଅଧିନାୟକ), ସିମ୍ରୋନ ହେଟମାୟର, ରୋମାରିୟୋ ଶେଫର୍ଡ, ଜେସନ ହୋଲ୍ଡର, ଅକିଲ ହୋସେନ, ଅଲଜାରୀ ଜୋସେଫ, ଓବେଡ ମାକକାୟ ।
