ନୂଆଦିଲ୍ଲୀ: ଆଜିଠୁ ଭାରତ-ଓ୍ବେଷ୍ଟଇଣ୍ଡିଜ T-20 ସିରିଜ। ଓ୍ବେଷ୍ଟଇଣ୍ଡିଜ ବିରୋଧରେ ୫ଟି T-20 ଖେଳିବ ମେନ ଇନ୍ ବ୍ଲୁ। ଭାରତୀୟ ସମୟ ରାତି ୮ଟାରୁ ଆରମ୍ଭ ହେବ ମ୍ୟାଚ୍। ଦିନିକିଆ ସିରିଜରୁ ବିଶ୍ରାମ ନେଇଥିବା ରୋହିତ ଶର୍ମା, ଋଷଭ ପନ୍ତ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ରୋହିତ ଶର୍ମାଙ୍କ ଅଧିନାୟିକତ୍ବରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ।
ଦିନିକିଆ ସିରିଜରେ କ୍ଲିନ ସୁଇପ ପରେ ଭାରତୀୟ ଦଳର ମନୋବଳ ଦୃଢ ରହିଛି। ଆରମ୍ଭରୁ ଭଲ ପ୍ରଦର୍ଶନ ସହିତ ସିରିଜ କବଜା କରିବାକୁ ଉଦ୍ୟମ କରିବ ଭ୍ରମଣକାରୀ ଦଳ। ସେପଟେ ଦିନିକିଆର ବଦଲା ନେବାକୁ ତୟାର ଘରୋଇ ଇଣ୍ଡିଜ। ତ୍ରୁଟିକୁ ସୁଧାରି ଭାରତକୁ ଟକ୍କର ଦେବାକୁ ଉଦ୍ୟମ କରିବ ଓ୍ବେଷ୍ଟଇଣ୍ଡିଜ୍।
