ଭାରତ ବିପକ୍ଷ ସିରିଜ ପାଇଁ ଦଳ ଘୋଷଣା କଲା ଦକ୍ଷିଣ ଆଫ୍ରିକା; ଦଳକୁ ଫେରିଲେ ଏହି ଷ୍ଟାର ଖେଳାଳି

ନୂଆଦିଲ୍ଲୀ: ୨୬ ଡିସେମ୍ବରରେ ଆରମ୍ଭ ହେବାକୁ ଯାଉଛି ଭାରତ-ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍ । ଏହି ସିରିଜ ପାଇଁ ଦଳ ଘୋଷଣା କରିଛି ଦକ୍ଷିଣ ଆଫ୍ରିକା । ଦକ୍ଷିଣ ଆଫ୍ରିକା ଭାରତ ବିପକ୍ଷରେ ହେବାକୁ ଥିବା ତିନି ଟିକିଆ ଟେଷ୍ଟ ସିରିଜ ପାଇଁ ୨୧ ଜଣିଆ ଦଳ ଘୋଷଣା କରିଛି । ଯାହାର ନେତୃତ୍ୱ ନେବେ ଡିନ୍ ଏଲାଗାର ଏବଂ ଉପ ଅଧିନାୟକ ଭାବରେ ଟେମ୍ବା ବାବୁମାଙ୍କ ମିଳିଛି ଦାୟିତ୍ୱ । ଏହି ୨୧ ଜଣିଆ ଦଳରେ ସିସାଣ୍ଡା ମଗାଲା, ରିୟାନ୍ ରିକେଲଟନଙ୍କୁ ପ୍ରଥମ ଥର ପାଇଁ ସୁଯୋଗ ମିଳିଛି । ସେହିପରି ଭାବରେ ଦଳକୁ ପୁଣି ଫେରିଛନ୍ତି ଡୁଆନ୍ନେ ଓଲିଭର । ସେହିପରି ଭାବରେ ଷ୍ଟାର ଦ୍ରୁତ ବୋଲର କଗିସୋ ରାବାଡା ମଧ୍ୟ ଦଳକୁ ଫେରିଛନ୍ତି ।

#Proteas SQUAD ANNOUNCEMENT ?

2️⃣ 1️⃣ players
Maiden Test call ups for Sisanda Magala and Ryan Rickelton ?
Duanne Olivier returns ??

Read more here ➡️ https://t.co/ZxBpXXvQy1#SAvIND #BetwayTestSeries #BePartOfIt pic.twitter.com/6rIDzt1PuO

— Proteas Men (@ProteasMenCSA) December 7, 2021

ଭାରତ-ଦକ୍ଷିଣ ଆଫ୍ରିକା ମଧ୍ୟ ଆସନ୍ତା ଡିସେମ୍ବର ୧୭ରୁ ଟେଷ୍ଟ ସିରିଜ୍ ଆରମ୍ଭ ହେବାର ଥିଲା । କିନ୍ତୁ ଦକ୍ଷିଣ ଆଫ୍ରିକାରେ କରୋନାର ନୂଆ ଭାରିଆଣ୍ଟ ଓମିକ୍ରନ୍ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଇବାରୁ ଏହି ସିରିଜକୁ ଡିସେମ୍ବର ୨୬କୁ ଘୁଞ୍ଚାଇ ଦିଆଯାଇଥିଲା । ଏହି ଦକ୍ଷିଣ ଆଫ୍ରିକା ଗସ୍ତରେ ଭାରତ ତିନୋଟି ଟେଷ୍ଟ ଓ ତିନୋଟି ଦିନିକିଆ ମ୍ୟାଚ ଖେଳିବ । ପ୍ରଥମ ଟେଷ୍ଟ ଡିସେମ୍ବର ୨୬-୩୦ ପର୍ଯ୍ୟନ୍ତ ସେଞ୍ଚୁରିଆନରେ ଖେଳାଯିବ । ସେହିପରି ଦ୍ୱିତୀୟ ମ୍ୟାଚ ଜାନୁଆରୀ ୩-୭ ପର୍ଯ୍ୟନ୍ତ ଜୋହନର୍ସବର୍ଗ ଏଆଂ ଶେଷ ଟେଷ୍ଟ ଜାନୁଆରୀ ୧୧-୧୫ ମଧ୍ୟରେ କେପଟାଉନରେ ଖେଳାଯିବ ।

ଭାରତ ବିପକ୍ଷରେ ଦକ୍ଷିଣ ଆଫ୍ରିକା ଘୋଷଣା କରିଥିବା ଦଳ ହେଉଛି: ଡିନ୍‌ ଏଲଗାର (ଅଧିନାୟକ), ଟେମ୍ବା ବାବୁମା, କ୍ୱିଣ୍ଟନ୍ ଡି କକ୍, କାଗିସୋ ରାବାଡା, ସରେଲ୍ ଏର୍ବୀ, ବ୍ୟୁରେନ୍ ହେଣ୍ଡ୍ରିକ୍ସ, ଜର୍ଜ ଲିଣ୍ଡେ, କେଶବ ମହାରାଜ, ଲୁଙ୍ଗି ଏନ୍‌ଗିଡି, ଆଡେନ ମାର୍କ୍ରାମ, ଭିୟାନ ମଲ୍ଡର, ଏନରିଚ୍ ନର୍ଟେ, କିଗାନ ପିଟରସନ, ରୈସୀ ଭାନ ଡର ଡସେନ, କାଇଲ ଭରେନେ, ମାର୍କୋ ଜନସନ୍, ପ୍ରେନେଲିନ୍ ସୁବ୍ରାୟନ୍, ସିସାଣ୍ଡା ମଗାଲା, ରିୟାନ୍ ରିକେଲଟନ୍, ଡୁଏନ୍ ଅଲିଭିଆର୍