ଧୋନୀଙ୍କ ରେକର୍ଡ ଭାଙ୍ଗିଲେ ପନ୍ତ, କମ୍ ଟେଷ୍ଟରେ ଶିକାର କଲେ ୧୦୦ ଓ୍ୱିକେଟ

ସେଞ୍ଚୁରିୟନ: ଡିସେମ୍ବର ୨୬ରୁ ଭାରତ-ଦକ୍ଷିଣ ଆଫ୍ରିକା ମଧ୍ୟରେ ଚାଲିଛି ପ୍ରଥମ ଟେଷ୍ଟ । ଏହି ମ୍ୟାଚରେ ଭାରତ ଦକ୍ଷିଣ ଆଫ୍ରିକାକୁ ବ୍ୟାକଫୁଟରେ ପକାଇ ମ୍ୟାଚରେ ଆଗୁଆ ରହିଛି । ପ୍ରଥମ ମ୍ୟାଚରେ ଭାରତୀୟ ଦଳର ଓ୍ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ଓ୍ୱିକେଟ କିପର ଭାବରେ ୧୦୦ ଓ୍ୱିକେଟ ନେବାରେ ଦ୍ରୁତତମ ଭାରତୀୟ ହୋଇଛନ୍ତି ଋଷଭ । ପନ୍ତଙ୍କ ପୂର୍ବରୁ ଏହି ରେକର୍ଡ ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ନାମରେ ରହିଥିଲା ।

A century of dismissals for @RishabhPant17 from behind the stumps in whites??

He becomes the fastest Indian wicket-keeper to achieve this feat.#SAvIND pic.twitter.com/6pHpfnLDO1

— BCCI (@BCCI) December 28, 2021

ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ୩୬ଟି ଟେଷ୍ଟ ମ୍ୟାଚ ଖେଳି ଏହି ରେକର୍ଡ ହାସଲ କରିଥିବା ବେଳେ ଋଷଭ ପନ୍ତ ମାତ୍ର ୨୬ଟି ମ୍ୟାଚ ଖେଳି ଏହି ରେକର୍ଡ ନିଜ ନାମରେ କରିଛନ୍ତି । ଓ୍ୱିକେଟ ପଛରେ ପନ୍ତଙ୍କ ନାମରେ ମୋଟ ୯୩ଟି କ୍ୟାଚ ଓ ୮ଟି ଷ୍ଟମ୍ପିଂ ରହିଛି । ମହେନ୍ଦ୍ର ସିଂ ଧୋନୀ ୯୦ଟି ଟେଷ୍ଟ ମ୍ୟାଚ ଖେଳି ଓ୍ୱିକେଟ ପଛରେ ୨୯୪ ଶିକାର କରିଥିଲେ । ଧୋନୀଙ୍କ ନାମରେ ୨୫୬ କ୍ୟାଚ ଓ ୩୮ ଷ୍ଟମ୍ପିଂ ରହିଛି ।