ବର୍ଷା ପାଇଁ ବାତିଲ ହେଲା ଭାରତ-ଦକ୍ଷିଣ ଆଫ୍ରିକା ପ୍ରଥମ ଟି-୨୦

ଡର୍ବାନ: ଟସ୍ ପଡ଼ିବା ପୂର୍ବରୁ ମ୍ୟାଚ୍ ବାତିଲ । ଭାରତ-ଦକ୍ଷିଣ ଆଫ୍ରିକା ମ୍ୟାଚରେ ବର୍ଷା ସାଜିଲା ବାଧକ । ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚ ଡର୍ବାନରେ ଖେଳାଯିବାକୁ ଥିଲା । ମାତ୍ର ମ୍ୟାଚ ପୂର୍ବରୁ ପାଗ ଖରାପ ରହିଥିଲା । ବର୍ଷା କାରଣରୁ ଟସ ପଡ଼ିବାରେ ବିଳମ୍ବ ହୋଇଥିଲା । ଆଉଟ୍ ଫିଲ୍ଡ ଶୁଖି ନଥିବାରୁ ଶେଷରେ ମ୍ୟାଚ ବାତିଲ କରାଯାଇଛି । ସେପଟେ ବର୍ଷା ଛାଡ଼ିବାର ମଧ୍ୟ ନାଁ ନେଇନଥିଲା । ଏଣୁ ମ୍ୟାଚ ଆରମ୍ଭ ହେବା ଅସମ୍ଭବ ଥିଲା । ସୁପର ସଣ୍ଡେରେ ସୁପର ମ୍ୟାଚ ରହିଥିବାବେଳେ ଏକ ହାଇଭୋଲଟେଜ ମ୍ୟାଚ ଦେଖିବାକୁ ଆଶା ରଖିଥିଲେ କ୍ରିକେଟପ୍ରେମୀ । ମାତ୍ର ବର୍ଷା ସବୁ ଫିକା ପକାଇ ଦେଇଛି । ନିକଟରେ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ଭାରତ ବିଜୟ ହୋଇଥିବାବେଳେ ଦମଦାର ଫର୍ମରେ ରହିଛି ଦକ୍ଷିଣ ଆଫ୍ରିକା । ଏଣୁ ଟି-୨୦ ମ୍ୟାଚ ସଂଘର୍ଷପୂର୍ଣ୍ଣ ହେବ ବୋଲି କୁହାଯାଉଥିଲା ।