ଆଜି ଭାରତ-ଆୟର୍ଲାଣ୍ଡ ପ୍ରଥମ ଟି-ଟ୍ବେଣ୍ଟି ମ୍ୟାଚ୍, ହାର୍ଦ୍ଦିକଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ

ଡବ୍ଲିନ୍: ବିଦେଶ ଗସ୍ତରେ ଟିମ୍ ଇଣ୍ଡିଆ । ଆୟର୍ଲାଣ୍ଡ ବିପକ୍ଷରେ ଦୁଇଟି ଟି-ଟ୍ବେଣ୍ଟି ଖେଳିବେ ଭାରତର ୟଙ୍ଗ ବିଗ୍ରେଡ । ଆଜି ଦୁଇ ଟିକିଆ ସିରିଜର ପ୍ରଥମ ମ୍ୟାଚ୍ । ଆୟର୍ଲାଣ୍ଡର ଡବ୍ଲିନରେ ଖେଳାଯିବ ଏହି ମ୍ୟାଚ୍ । ଭାରତୀୟ ସମୟ ରାତି ୯ଟାରେ ଖେଳ ଆରମ୍ଭ ହେବ । ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । ଟିମ୍ ଇଣ୍ଡିଆର ସିନିୟର ଖେଳାଳିଙ୍କ ଅନୁପସ୍ଥିତିରେ ଭାରତୀୟ ଦଳରେ ବ୍ୟାଟିଂ ଭାର ସମ୍ଭାଳିବେ ସୂର୍ଯ୍ୟ କୁମାର ଯାଦବ, ଇଶାନ କିଷନ, ଋତୁରାଜ ଗାଏକ୍ୱାଡଙ୍କ ସମେତ ନବାଗତ ରାହୁଲ ତ୍ରିପାଠୀ ।

ସେହିପରି ଭୁବନେଶ୍ୱର କୁମାର, ହର୍ଷଲ ପଟେଲ, ଉମ୍ରାନ ମଲ୍ଲିକ ଓ ୟୁଜବେନ୍ଦ୍ର ଚହଲ ସମ୍ଭାଳିବେ ଟିମ୍ ଇଣ୍ଡିଆର ବୋଲିଂ ଭାର । ଅନ୍ୟପଟେ ଭ୍ରମଣକାରୀ ଦଳକୁ ଟକ୍କର ଦେବାକୁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଛି ଘରୋଇ ଆୟର୍ଲାଣ୍ଡ । ସେପଟେ ଟେଷ୍ଟ ମ୍ୟାଚ୍ ପାଇଁ  ଇଂଲଣ୍ଡ ଯାଇଛି ଭାରତର ଆଉ ଏକ ଟିମ୍ । ଆସନ୍ତା ୧ ତାରିଖରେ ଇଂଲଣ୍ଡ ବିରୋଧରେ ଖେଳାଯିବ ବାକିଥିବା ଟେଷ୍ଟ ମ୍ୟାଚ୍  ।