ଭାରତ-ଇଂଲଣ୍ଡ ଦ୍ୱିତୀୟ ଟି-୨୦: ଟସ୍ ଜିତି ଇଂଲଣ୍ଡର ବୋଲିଂ ନିଷ୍ପତ୍ତି
1 min read
ବର୍ମିଂଘମ: ଭାରତ ଓ ଇଂଲଣ୍ଡ ମଧ୍ୟରେ ଆଜି ଦ୍ୱିତୀୟ ଟି-୨୦ ମ୍ୟାଚ ଖେଳାଯାଉଛି । ଏଜବାଷ୍ଟନ ଷ୍ଟାଡିୟମଠାରେ ଏହି ମ୍ୟାଚ ଆଉ କିଛି ସମୟ ମଧ୍ୟରେ ଆରମ୍ଭ ହେବ । ଇଂଲଣ୍ଡ ଟସ୍ ଜିତି ବୋଲି ନିଷ୍ପତ୍ତି ନେଇଛି । ସେହିପରି ଭାରତ ପ୍ରଥମେ ବ୍ୟାଟିଂ କରିବ । ତିନି ମ୍ୟାଚ ବିଶିଷ୍ଟ ଏହି ଟି-୨୦ ସିରିଜର ପ୍ରଥମ ମ୍ୟାଚରେ ଭାରତ ବିଜୟୀ ହୋଇଥିଲା । ଯଦି ଆଜି ମ୍ୟାଚରେ ବିଜୟୀ ହୁଏ ତେବେ ସିରିଜ ଜିତିବ ଭାରତ । ଆଜିର ମ୍ୟାଚ ଜିତିବା ପାଇଁ ସମ୍ପୂର୍ଣ୍ଣ ପ୍ରୟାସ କରିବେ ଭାରତୀୟ ଖେଳାଳି । ତେବେ ଆଜି ମ୍ୟାଚରେ ଅଧିନାୟକ ରୋହିତ ଶର୍ମା ସ୍କ୍ୱାଡରେ ପରିବର୍ତ୍ତନ କରିଛନ୍ତି । ଇଶନ କିଷନ, ଦୀପକ ହୁଡା, ଅର୍ଶଦୀପ ସିଂହ ଏବଂ ଅକ୍ସର ପଟେଲଙ୍କୁ ବିଶ୍ରାମ ଦିଆଯାଇଛି । ସେମାନଙ୍କ ସ୍ଥାନରେ କୋହିଲି, ଜାଡେଜା, ପନ୍ତ ଓ ବୁମରାହଙ୍କୁ ରିପ୍ଲେସ କରାଯାଇଛି । ପ୍ରଥମ ମ୍ୟାଚରେ ଏମାନେ ଖେଳୁନଥିଲେ । ରୋହିତ ଶର୍ମା କହିଛନ୍ତି ପ୍ରଥମେ ବ୍ୟାଟିଂ କରିବା ଦଳ ପାଇଁ ଫଳପ୍ରଦ ହେଉଛି । ଯଦି ଆମେ ଟସ୍ ଜିତିଥାନ୍ତୁ ତେବେ ବ୍ୟାଟିଂ ଆଣିଥାନ୍ତୁ । ବୁମରାହ, ଭୁବନେଶ୍ୱର କୁମାରଙ୍କ ଉପରେ ବୋଲିଂ ଭାର ରହିବ ।
ଭାରତୀୟ ଦଳ: ରୋହିତ ଶର୍ମା (ଅଧିନାୟକ), ବିରାଟ କୋହଲି, ସୂର୍ଯ୍ୟୁକୁମାର ଯାଦବ, ଋଷଭ ପନ୍ତ (ୱିକେଟ କିପର), ହାର୍ଦିକ ପାଣ୍ଡ୍ୟା, ଦିନେଶ କାର୍ତ୍ତିକ, ରବୀନ୍ଦ୍ର ଜାଡେଜା, ହର୍ଶଲ ପଟେଲ, ଭୁବନେଶ୍ୱର କୁମାର, ଜଶପ୍ରୀତ ବୁମରାହ, ଯୁଜବେନ୍ଦ୍ର ଚହଲ ।
ଇଂଲଣ୍ଡ ଦଳ: ଜେସନ ରୟ, ଜୋସ ବଟଲର (ଅଧିନାୟକ/ୱିକେଟକିପର), ଡେୱିଡ ମଲନ, ଲିଆମ ଲିଭିଙ୍ଗଷ୍ଟୋନ, ହାରି ବ୍ରୁକ, ମୋଇନ ଅଲି, ସାମ କୁରାନ, ଡେଭିଡ ୱିଲୀ, କ୍ରୀସ ଜୋର୍ଡାନ, ରିଚାର୍ଡ ଗ୍ଲୀସନ, ମାଥିୟୁ ପାର୍କିନସନ ।
