୧୧୪ ବର୍ଷ ତଳର ରେକର୍ଡ ରଚିଲେ ଅଶ୍ୱିନୀ, ଟେଷ୍ଟ କ୍ରିକେଟ ଇତିହାସର କଲେ ପୁନରାବୃତ୍ତି

ଚେନ୍ନାଇ: ଗ୍ରାଉଣ୍ଡରେ ଜାରି ରହିଛି ଇଣ୍ଡିଆ ଏବଂ ଇଂଲଣ୍ଡ ଟେଷ୍ଟ ମ୍ୟାଚ । ଦ୍ୱିତୀୟ ଇଂନିସରେ ଦମଦାର ଭାବେ ଖେଳ ଆରମ୍ଭ କରିଛି ଭାରତ । କିନ୍ତୁ ଚଳିତ ଟେଷ୍ଟ ମ୍ୟାଚରେ ଘଟିଛି ସବୁଠାରୁ ରୋଚକ ଘଟଣା । ଯାହା କେବଳ ଭାରତୀୟ କ୍ରିକେଟ ନୁହେଁ ବଂର ଟେଷ୍ଟ କ୍ରିକେଟର ଇତିହାସକୁ କରିଛି ପୁନରାବୃତ୍ତି । ଇଂନିସରେ ପ୍ରଥମ ବଲରେ ବିପକ୍ଷ ବ୍ୟାଟ୍ସମ୍ୟାନକୁ ଆଉଟ କରିଛି ଇଣ୍ଡିଆ । ଯାହା ୧୧୪ ବର୍ଷ ତଳେ ଘଟିଥିଲା, ତାକୁ ଆଜି ପୁଣି ଥରେ ଘଟାଇଛି ଭାରତୀୟ ଟିମ ।

ଇଣ୍ଡିଆ-ଇଂଲଣ୍ଡ ଟେଷ୍ଟ ମ୍ୟାଚର ଦ୍ୱିତୀୟ ଇଂନିସରେ, ଆରମ୍ଭରୁ ଜୋରଦାର ବୋଲିଂ କରିଛି ଭାରତୀୟ ଦଳ । ଟିମ ପକ୍ଷରୁ ପ୍ରଥମେ ବୋଲିଂ କରୁଥିବା ଆର ଅଶ୍ୱିନୀ ପ୍ରଥମ ବଲରେ ହିଁ ହାସଲ କରିଥିଲେ ସଫଳତା । ବିପକ୍ଷ ଦଳ ତଥା ଟିମ ଇଂଲଣ୍ଡର ଓପନର ବ୍ୟାଟ୍ସମନ୍ୟାନ ରୋରୀ ବର୍ନ୍ସଙ୍କୁ କରିଥିଲେ ଆଉଟ । ଏହି ୱିକେଟ ସାଧାରଣ ୱିକେଟ ନଥିଲା, ଏହା ଥିଲା ୧୧୪ ବର୍ଷ ପୂର୍ବେ ଘଟିଥିବା ରେକର୍ଡର ରାଜ୍ । ୧୯୦୭ ମସିହାରେ ହିଁ ଦେଖିବାକୁ ମିଳିଥିଲା ଟେଷ୍ଟ କ୍ରିକେଟରେ ଏଭଳି ବିରଳ ଘଟଣା । ସାଉଥ ଆଫ୍ରିକାର ବୋଲର ବଟେ ବୋଗଲର ପ୍ରଥମେ ରଚିଥିଲେ ଏଭଳି କିର୍ତ୍ତୀମାନ ।

ସେଦିନ ବି ଥାଏ ଇଂଲଣ୍ଡ-ଆଫ୍ରିକା ଟେଷ୍ଟ । ସାଉଥ ଆଫ୍ରିକା ପକ୍ଷରୁ ପ୍ରଥମ ଓଭର ବୋଲିଂ କରିବାର ନିର୍ଣ୍ଣୟ ଥାଏ ବୋଗଲରଙ୍କ ଉପରେ । ଇଂନିସ ପ୍ରଥମ ଓଭରର ପ୍ରଥମ ବଲରେ ଇଂଲଣ୍ଡର ଓପନର ବ୍ୟାଟ୍ସମ୍ୟାନ ଟାର୍ମ ହେୟବାର୍ଡଙ୍କୁ କରିଥିଲେ ଏଲବିଡବ୍ଲ୍ୟୁ । ଆଉ ଏହି ମ୍ୟାଚରେ ବୋଗଲର ୬ଟି ୱିକେଟ ହାସଲ କରିବା ସହ ରଚିଥିଲେ ଏହି ରେକର୍ଡ । ୧୧୪ ବର୍ଷ ଏହି ପୃଷ୍ଠାକୁ ପୁଣିୁ ଥରେ ଲେଉଟାଇଛି ଟିମ ଇଣ୍ଡିଆ, ଆଉ ରେକର୍ଡ ରଚିଛନ୍ତି ଅଫ ସ୍ପିନର ଆର ଅଶ୍ୱିନୀ ।