ଭାରତ-ଇଂଲଣ୍ଡ ଟେଷ୍ଟ; ତୃତୀୟ ଦିନରେ ସିରିଜ୍ କବଜା ଲକ୍ଷ୍ୟରେ ଟିମ୍ ଇଣ୍ଡିଆ

ରାଜକୋଟ: ଭାରତ ଇଂଲଣ୍ଡ ରାଜକୋଟ ଟେଷ୍ଟ। ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟରେ ଭାରତର ପ୍ରଥମ ଇନିଂସରେ ୪୪୫ ରନ୍ ଜବାବରେ ଇଂଲଣ୍ଡ ଦମଦାର ଆରମ୍ଭ କରିଛି। ପ୍ରଥମ ଇନିଂସରେ ଇଂଲଣ୍ଡ ୨ ୱିକେଟ ହରାଇ କରିଛି ୨୦୭ ରନ। ଆଜି ରାଜକୋଟ ଟେଷ୍ଟର ତୃତୀୟ ଦିନ ଥିବାବେଳେ ଏକ ବଡ଼ ସ୍କୋର ଅଭିମୁଖେ ଯାଉଛି ଇଂଲଣ୍ଡ । ଇଂଲଣ୍ଡର ବେନ ଡକେଟ ୧୩୩ ରନ କରି ଅପରାଜିତ ଅଛନ୍ତି। ଜୋ ରୁଟ ୯ ରନ କରି ଖେଳୁଛନ୍ତି।

ଆଜି ପୁଣି ତୃତୀୟ ଦିନରେ ବ୍ୟାଟିଂ ଆରମ୍ଭ କରିବ ଇଂଲଣ୍ଡ। ସେପଟେ ପ୍ରଥମ ଇନିଂସରେ ଭାରତ ଜବରଦସ୍ତ ପ୍ରଦର୍ଶନ କରି ୪୪୫ ରନ କରିଥିଲା। ରୋହିତ ଶର୍ମା ଓ ରବୀନ୍ଦ୍ର ଜାଡେଜାଙ୍କ ଶତକୀୟ ପାଳି ଖେଳିଥିଲେ। ରୋହିତ ଶର୍ମା ସର୍ବାଧିକ ୧୩୧ ଏବଂ ରବୀନ୍ଦ୍ର ଜାଡେଜା ୧୧୨ ରନ କରିଥିଲେ। ପାଞ୍ଚ ଟିକିଆ ଏହି ଟେଷ୍ଟ୍ ସିରିଜରେ ଉଭୟ ଟିମ୍ ୧-୧ରେ ବରାବର ରହିଛନ୍ତି। ତୃତୀୟ ମ୍ୟାଚ୍ ଜିତି ଦୁଇ ଦଳ ସିରିଜ୍ କବଜା ଲକ୍ଷ୍ୟରେ ଅଛନ୍ତି।