ବ୍ୟୁରୋ ରିପୋର୍ଟ: ପୁଣି ସେହି ଅଷ୍ଟ୍ରେଲିଆ, ପୁଣି ସେହି ବିଶ୍ବକପ୍। ଏଥର କିନ୍ତୁ ଜୁନିଅର ଟିମ୍। ଆଜି ଅଣ୍ଡର-୧୯ ଦିନିକିଆ ବିଶ୍ବକପ ଫାଇନାଲ ମ୍ଯାଚ୍। ସିନିୟରଙ୍କ ପରାଜୟର ପ୍ରତିଶୋଧ ନେବାକୁ ପ୍ରସ୍ତୁତ ଅଛନ୍ତି ଟିମ୍ ଜୁନିଅର। ପୁଣିଥରେ ଫାଇନାଲରେ ମୁହାଁମୁହିଁ ହେବାକୁ ଯାଉଛନ୍ତି ଭାରତ- ଅଷ୍ଟ୍ରେଲିଆ। ସାଉଥ ଆଫ୍ରିକାର ବେନୋନି ଓ୍ବିଲୋମୋରେ ପାର୍କରେ ମୁହାଁମୁହିଁ ହେବେ ଭାରତ ଓ ଅଷ୍ଟ୍ରେଲିଆ। ଭାରତୀୟ ସମୟ ଅନୁସାରେ ୧ ଟା ୩୦ରୁ ଖେଳାଯିବ ମ୍ୟାଚ୍। ଉଭୟ ଦଳ ତୃତୀୟ ଥର ପାଇଁ ଫାଇନାଲରେ ମୁହାଁମୁହିଁ ହେବେ।
ଏହା ପୂର୍ବରୁ ଫାଇନାଲରେ ଭାରତ ଅଷ୍ଟ୍ରେଲିଆକୁ ୨ ଥର ପରାଜିତ କରିଛି। ଆଜି ଭାରତ ଫାଇନାଲରେ ବିଜୟୀ ହେବାକୁ ଲକ୍ଷ୍ଯ ରଖିଛି। ଭାରତ ଏଯାଏଁ ୮ଥର ଫାଇନାଲ ଖେଳିଥିବା ବେଳେ ୫ଥର ଚାମ୍ପିୟନ ହୋଇଛି। ଦଳକୁ ୩ଥର ରନର୍ସ ଅପରେ ସନ୍ତୁଷ୍ଟ ହେବାକୁ ପଡ଼ିଛି।
ସେହିପରି ଅଷ୍ଟ୍ରେଲିଆ ଅଣ୍ଡର-୧୯ ବିଶ୍ୱକପରେ ତିନି ଥର ବିଜୟ ହୋଇଥିବା ବେଳେ ୨ଥର ଫାଇନାଲରେ ହାରିବାକୁ ପଡ଼ିଛି। ତେବେ ଆଜି ହେବାକୁ ଥିବା ଫାଇନାଲ ମ୍ୟାଚରେ ଟିମ ଇଣ୍ଡିଆ ୨୦୨୩ ବିଶ୍ବକପର ବଦଲା ନେବା ଉଦ୍ଦେଶ୍ୟରେ ପଡ଼ିଆକୁ ଓହ୍ଲାଇବ। ଦେଖିବାକୁ ବାକି ରହିଲା ସିନିୟରଙ୍କ ବଦଲା ଜୁନିୟର ନେଇପାରିବେ ନା ପୁଣି ଥରେ ଭାରତୀୟ ପ୍ରଶଂସକ ନିରାଶ ହେବେ ।
