ମନରୁ ଯାଇନି କି ବିଶ୍ବକପ ପରାଜୟ ? ସୂର୍ଯ୍ୟଙ୍କ ପ୍ରେସମିଟରେ ମାତ୍ର ୨ ସମ୍ବାଦିକ, ଜାଣନ୍ତୁ କ’ଣ କହିଲେ ଅଧିନାୟକ

ବିଶାଖାପାଟଣା: ଭାରତ ଅଷ୍ଟ୍ରେଲିଆଠାରୁ ଦିନିକିଆ ବିଶ୍ବକପ ହାରିବା ପରେ ଟିମ ଇଣ୍ଡିଆକୁ ନେଇ ଆରମ୍ଭ ହୋଇଛି ସମାଲୋଚନା । ସିନିୟର ଖେଳାଳି ହୁଅନ୍ତୁ କିମ୍ବା ଫ୍ୟାନ୍ସ ସମସ୍ତେ ସମାଲୋଚନା କରିବା ସହ ପରାଜୟର କାରଣକୁ ନେଇ ତର୍କ କରୁଛନ୍ତି । ତେବେ ଗୁରୁବାର ଅଷ୍ଟ୍ରେଲିଆ ବିପକ୍ଷରେ ଭାରତ ଟି-୨୦ ସିରିଜ ଖେଳିବାକୁ ଯାଉଛି । ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଖେଳାଯିବ । ତେବେ ମ୍ୟାଚ ପୂର୍ବରୁ ସୂର୍ଯ୍ୟ କୁମାର ଯାଜବ ଡାକିଥିବା ପ୍ରେସ କନଫରେନ୍ସରେ ମାତ୍ର ୨ ଜଣ ସାମ୍ବାଦିକ ନଜର ଆସିଥିଲେ । ଯାହାକୁ ନେଇ ଏବେ ଆରମ୍ଭ ହୋଇଛି ଚର୍ଚ୍ଚା । ଯାହାକି ପୂର୍ବରୁ କେବେ ଦେଖିବାକୁ ମିଳିନଥିଲା । ଏଭଳି ଘଟଣାକୁ ନେଇ ସୋସିଆଲ ମିଡିଆରେ ମଧ୍ୟ ଭିଡିଓ ଭାଇରାଲ ହେବାରେ ଲାଗିଛି । ବିସିସିଆଇ ପକ୍ଷରୁ ଏକ୍ସରେ ସୂର୍ଯ୍ୟଙ୍କ ପ୍ରେସ କନଫରେନ୍ସର ଭିଡିଓକୁ ମଧ୍ୟ ସେୟାର କରାଯାଇଛି ।

?️ My message to the players is very clear – just be fearless and do whatever it takes to help the team ??#TeamIndia Captain @surya_14kumar ahead of the 1st T20I against Australia.@IDFCFIRSTBank | #INDvAUS pic.twitter.com/jmjqqdcZBi

— BCCI (@BCCI) November 22, 2023

ସୂର୍ଯ୍ୟ କହିଛନ୍ତି କି, ବିଶ୍ବକପ ଏକ ବଡ଼ ଟୁର୍ଣ୍ଣାମେଣ୍ଟ ଥିଲା। ଏହାକୁ ଏେତ ସହଜରେ ଭୁଲିଯିବା କଷ୍ଟସାଧ୍ୟ।ଟି-୨୦ ଏକ ନୂଆ ଆରମ୍ଭ ହେବ। ଏହାସହ ଭାରତୀୟ ଅଧିନାୟକ ରୋହିତ ଶର୍ମାଙ୍କୁ ପ୍ରଂଶସା କରିଛନ୍ତି ସୂର୍ଯ୍ୟକୁମାର ଯାଜବ । ସେ କହିଛନ୍ତି କି, ରୋହିତ ଜଣେ ଭଲ ଖେଳାଳି । ବିଶ୍ବକପରେ ତାଙ୍କ ଅଧିନାୟକତ୍ବ ସାଙ୍ଗକୁ ପ୍ରଦର୍ଶନ ବେଶ ଦର୍ଶନୀୟ ଥିଲା । ବିରାଟ, ରୋହିତ ଏବଂ ରାହୁଲ ଅଷ୍ଟ୍ରେଲିଆ ବିପକ୍ଷ ବିଶ୍ବକପ ଫାଇନାଲରେ ଭଲ ପ୍ରଦର୍ଶନ କରିଥିଲେ । ସେମାନେ ଏହି ଟି-୨୦ ସିରିଜ ଖେଳୁ ନାହାନ୍ତି ।