ପାଣ୍ଡ୍ୟାଙ୍କ ପ୍ରହାରରେ ଧରାଶୟୀ ଅଷ୍ଟ୍ରେଲିଆ: ଟି-୨୦ ସିରିଜ୍ ହାତେଇଲା ଟିମ୍ ଇଣ୍ଡିଆ

ସିଡନୀ: ଦ୍ୱିତୀୟ ଥର ପାଇଁ ଟି-୨୦ କ୍ରିକେଟରେ ଅଷ୍ଟ୍ରେଲିଆକୁ ପାରାଜୟର ସ୍ୱାଦ ଚଖାଇଲା ଭାରତ । ପାଣ୍ଡ୍ୟାଙ୍କ ଦମଦାର ବ୍ୟାଟିଂରେ ଭାରତ ମ୍ୟାଚକୁ ହାତେଇ ନେଇଛି । ସିଡନୀରେ ଖେଳାଯାଇଥିବା ଟି -୨୦ ମ୍ୟାଚରେ ଭାରତ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କରିଛି । ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୨୦ ଓଭରରେ ୧୯୪ ରନ୍ ସଂଗ୍ରହ କରି ୫ ୱିକେଟ୍ ହରାଇଥିଲା । ଏହାର ଜବାବରେ ଭାରତୀୟ ଦଳ ୧୯୫ ରନ୍‌ର ଲକ୍ଷ୍ୟକୁ ପଛରେ ପକାଇ ୧୯.୦୪ ଓଭରରେ ୪ ୱିକେଟ୍ ହରାଇ ୧୯୫ ରନ୍ ସଂଗ୍ରହ କରିଥିଲା ।

ଟିମ୍ ଇଣ୍ଡିଆ ପାଇଁ ଶିଖର ଧାୱନ ୫୨ ରନ୍ ସଂଗ୍ରହ କରିଥିଲେ । ଏହା ବ୍ୟତୀତ ଅଧିନାୟକ ବିରାଟ କୋହଲି ୨୪ ବଲରେ ୪୦ ରନ୍ ଏବଂ ହାର୍ଦ୍ଦିକ ପାଣ୍ଡ୍ୟା ୨୨ ବଲରେ ୪୨ ରନ୍ ସଂଗ୍ରହ କରିଥିଲେ । କେଏଲ ରାହୁଲ ଏବଂ ଶିଖର ଧାୱନଙ୍କ ଯୋଡି ଟିମ୍ ଇଣ୍ଡିଆକୁ ବହୁତ ଭଲ ଆରମ୍ଭ ଦେଇଥିଲା । ଧାୱନ ଏବଂ ରାହୁଲ ୫୬ ରନ୍ ଭାଗିଦାରୀ ବାଣ୍ଟିଥିଲେ । ତେବେ ଟିମ ଇଣ୍ଡିଆ ଶେଷ ୧୦ ଓଭରରେ ୧୦୯ ରନ୍ ସଂଗ୍ରହ କରିଥିଲା ।