LACରେ ଯୁଦ୍ଧାଭ୍ୟାସ କରିବେ ଭାରତ-ଆମେରିକା
1 min read
ନୂଆଦିଲ୍ଲୀ: ଚୀନ୍ ତାଇଓ୍ୱାନ ମଧ୍ୟରେ ଜାରି ରହିଛି ଉତ୍ତେଜନା । ଆମେରିକା ରାଷ୍ଟ୍ରପତି ନାନ୍ସି ପେଲୋସିଙ୍କ ତାଇଓ୍ୱାନ ଗସ୍ତ ପରେ ଏହି ବିବାଦ ଉଗ୍ର ରୂପ ନେଇଛି । ଏହି ବିବାଦ ମଧ୍ୟରେ ଚୀନ୍ ସୀମାରେ ଯୁଦ୍ଧାଭ୍ୟାସ କରିବାକୁ ଯାଉଛି ଭାରତ-ଆମେରିକା । ତେବେ ଏହା ଭାରତ-ଆମେରିକାର ମଧ୍ୟରେ ୧୮ତମ ଯୁଦ୍ଧାଭ୍ୟାସ ହେବ । ପ୍ରତିରକ୍ଷା ବିଭାଗର ରିପୋର୍ଟ ଅନୁସାରେ ଅକ୍ଟୋବର ୧୪ରୁ ୩୧ ମଧ୍ୟରେ ଉଭୟ ଦେଶ ମଧ୍ୟରେ ଏହି ସୈନ୍ୟାଭ୍ୟାସ ଅନୁଷ୍ଠିତ ହେବ । ଉଭୟ ଦେଶର ସେନାଙ୍କ ମଧ୍ୟରେ କିପରି ସହଯୋଗ, ଭଲ ସମ୍ପର୍କ ଓ ସନ୍ତୁଳନ ରହିବ ଏହି ଯୁଦ୍ଧାଭ୍ୟାସର ଉଦ୍ଦେଶ୍ୟ ଅଟେ ।
ଗତ କିଛି ବର୍ଷ ଧରି ଉଭୟ ଦେଶର ପ୍ରତିରକ୍ଷା ସମ୍ପର୍କ ମଜବୁତ ହେଉଛି । ୨୦୧୬ରୁ ଆମେରିକା ଭାରତକୁ ମୁଖ୍ୟ ପ୍ରତିରକ୍ଷା ସହଯୋଗୀ ନାମିତ କରିଥିଲା । କିଛି ବର୍ଷ ଧରି ଭାରତ ଆମେରିକାଠୁ ଅନେକ ପ୍ରତିରକ୍ଷା ସାମଗ୍ରୀ କ୍ରୟ କରିଛି । ଏହାସହ ଲେମୋଆ ଚୁକ୍ତି ଅନୁସାରେ ଉଭୟ ପ୍ରତିରକ୍ଷା ମାମଲାରେ ଉଭୟଙ୍କର ସୈନ୍ୟ ଠିକଣାକୁ ବ୍ୟବହାର କରିପାରିବେ । ୨୦୧୮ରେ କମକାସା ଚୁକ୍ତି ମଧ୍ୟ ଉଭୟଙ୍କର ମଧ୍ୟରେ ସ୍ୱାକ୍ଷରିତ ହୋଇଥିଲା ।
